O chera, o bella! eu vuless bain ir tiers vus
 |
Questo testo è completo, ma ancora da rileggere. | |
| ◄ | Ai mo, la figlia dalla mulinera | Ad eis gnieu giô la greva | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
159.
(Flugi, Volkslieder, p. 64 — 66.)
„O chera, o bella! eu vuless bain ir tiers vus
Quista saira ün po tard,
A tschantschar duos pleds cun vus.“—
— „O mia Sar, vus bel e cher,
5 Eu s’ völg bain paraviser,
Cha davous ma porta
Sto adüna ün homet velg,
Chi pera be cha ’l dorma,
Ma l’ho aviert ün ölg.“
10 „O chera, o bella eu vuless bain ir tiers vus
Quista saira ün po pü tard
A tschantscher duos pleds cun vus.“—
— „O Sar, vus bel e cher,
Eu s’ völg bain paraviser
15 Cha sü par mieu üsch d’ stiiva
Lo eisa sett schlupetts,
Ed in ün cha tuchais,
Schi’ s sbarane tuots sett.“—
O chera o bella! eu vuless bain ir tiers vus
20 Quaista saira amo pü tard
A tschantschar duos pleds cun vus.“—
— „O Sar, vus bel e cher,
Eu s’ vö bain paraviser
Cha sü par mieu üsch d’ chambra
25 Lo eisa sett pistolas,
In üna cha tuchais
Tuottas sett cunter vus volvais.“—
O chera, o bella, eu vez cha tuot stravia;
Schi pigliaro mieu gierl,
30 E giarò a chesa mia.