Novella IX della Giornata I del Decamerone. Sant' Uldarico
 |
Questo testo è incompleto. | |
Novella IX della Giornata I del Decamerone. Sant' Uldarico
Dižę dunque, ch' åì tęmpęs dęl prim Rę dę Cipri, do̱ chę lå Tięrrå Santa fo̱a co̬nquisteda då Gotfrid dę Buglìon, ięl suzzędù, chę nå no̱bil sęgnęura dla Guascogna ię žita å dlięžå ål Santo Sepo̬lcro . Rueda nęl rito̬rn å Cipri ięla unida meltratteda villanamęnter då cånaia dę žęnt. Dę chęst sęn ha la åbù mpęrmel zęnza deguna cunsulazio̬n, i ha pęnsà dę ži dål Rę å sę lamęntè. Må dåvia che i fo̱a sta dit pęr vålgun, che si fådia fo̬ssa pęr nia, pęr gauža, ch' ęl fo̱a dę nåturel tan fiac i tan då nia, chę no̬ medrà 'l nę cåstigo̱a cun giustizia l' ufföžęs fattęs åi autri, man suffriva anzi infinites fattes å d' ęl dę månięra che ugnun ch' o̱a vel muęia s' la paro̱a via cui fè un impęrmel o̬ dežunęur. Lå sęgnęura all' udì chęsta co̱sa, zęnza spęranza de vendętta, per vel cunsulazio̬n dę si mueia, sę ręso̱lf d' ulęi minćunè lå miseria dęl Rę. I rueda brådlan dant ål Rę ha ditt: "Mi Sęgnęur, ie ne vęgnę nti pręsęnza per åspittè vęndętta dl' ingiuria, ch' ie stata fatta å mi, må per soddešfazio̬n de chęlla tę pręie, che te m' ensęgnięs, co̱ che tu so̬ffres chęllęs ch' ie aude, chę tę vęn fattes a ti, åcco̱chę cull' imparè då te ię po̱sse cumpurtè påzięntåmęntęr lå mia, chę Iddie sa, šęl pudęsse fe, gięn dunęssi a ti, che t' ięs tan bo̬n dę purtè." L Rę ch' in cl' ęuta fo̱a sta tan pęiger i fred, šchęl sę dešędåssa dål suęn, ha scumenćà dåll' ingiuria fatta å chęsta segnęura, ch' ha vęndicà rigo̬ro̬såmęnter, ię dęvęntà rigo̬ro̬sissimo pęrsęcuto̬r d' ugnun chę co̬ntra l' unęur dlå curo̬na cummęttęssa velc då mo̱ in là.