Nouvas Rimas/4
 |
Questo testo è completo. | |
Gian Fadri Caderas - Nouvas Rimas (1907)
Dalöntsch
| ◄ | 3 | 5 | ► |
Crestomazia Retoromontscha VIII 
di Caspar Decurtins (1907)
Questo testo fa parte della raccolta Rätoromanische chrestomathie
| [p. 29] | Dalöntsch. |
T’hest mê chattò sün estra terra
Sainz’ün amih, sainz’ün contschaint?
Nun hest pruvò tristezza bgerra
A nun udir üngün bainvgnaint?
5 Nun hest pruvò quel vöd, ch ’ün prova
As rechatter affatt sulet?
Quel led intim, ch’in cour as lova,
Cur chi nu’ ’s vezzas sguard dilet?
Nun hest pruvò il led chi svaglia,
10 Nel cour il cling d’ün ester sain?
Lontauna vusch d’ün cher somaglia,
Chi sur muntagnas a te vain!
Mê hest pruvò increschentüna?
Allur’ cognuoscher nun post brich
15 L’amur, chi lia all’Engiadina,
Chi da bgers ans nun la vzet brich!
1857.