Manageria Comunal
 |
Questo testo è da formattare. | |
Manageria Comunal. In risposta a un Monumento a sta Rappresentanza 1873
Ampezzane tirà cride
Craià eviva, Su ciantà
Ju zi-zi-zi no le da ride
Da sta allegre e da ciantà.
Presto Beppe da ra scòra
Bete in mòto el campanòn
Vea ra banda, e lumès fòra
Vorόn fei luminaziόn.
Par la vergine sguaria
Ra me zuda impò del vès
Ciè contente, ciè allegria
Finalmente, inzèl paes.
Finalmente rόn spόntada
Dópo tanto che on laurà
Su beόn… e che ra vada
On fenì de struscià!
Ra misèria cà in Ampezzo
Re fenida par ades
Ce cucagna par un pezzo
Ce ricchezza inzèl paes.
On soferto inze tre anne
Duto chel che se po di
Santo Dio, quante malane
Le ben ora de fenì.
Viva dunque, el novo eviva
Gran consiglio Comunàl
Chel consiglio che sortia
Dara urna al lettoral.
E es torna una gran bόta
Caso insolito zà dà
Fin ra femmenes sta vόta
Col concorre a ra svoità.
Braa femmenes… ai ome
Na leziòn iaè za dà
Avè scelto alquante tόme
Che onor molto i ve farà.
Serà ben che pì de mèze
De sta nobil sessiόn,
Noi sà cόnte, noi sà liese
Noi sà gnanche fei el sό gnόn.
Ma ce conta, i cianta un' ino,
Co' i se strutta a ciaccolà
E lo spirito del vino
Ra pazienza e li darà.
Nόs ciantόn cosci presto
E parduto come cà
Un serraglio come chesto
Coscì in' ordin complettà.
Anzi, che canzelleria
Sura porta le Büro
Comunal manegeria
I pò scrie, canche i vò.
Tano, Verzi e Barbarèlles
Presto, presto parecià
Chera cameres pi belles
I quartiere da fittà.
Da levante, da ponente
Vignarà i foreste a grŭn
Ce ingleses, ce de zènte
Le rinforzo al nosc comun.
Se par vede, ra braura
Del serraglio comunal
Par conosce ra natura
D' ogni singolo animal.
I fotografe, i pittore
Canche i sente ra novitàs
Come matte dute corre
Par fei gruppo, e par copià.
Costantini, el segrettario
Che de ciaccola le bòn
El concorso straordinario
El pò fei ra spiegaziόn.
Una tigre ammaestrada
Le ra prim bestia che vedόn
Za nòe ane, ròn ciapàda
Sόtte un sas in padeόn.
Bella bestia pura razza
Ma cattìa che mai pì.
Re furiosa, ra sgrinfa ra tazza
Ra no tage, in dutàl dì.
Ra una burta vardadura
Ra tien i òcie, sempre básc
Canche ra jalza i fesc paura
Sempre inqueta e senza pasc.
El secondo sura lista
Un stupendo Orangotán
Le una bestia molto trista
Da sta sempre da lontan.
La un istinto assai curioso
Pàr na scimia da pipà
Bòcia larga, mŭs pelόs
Dente fatte, par tazzà.
Un' auzelatto, burto cuco
Vedo el terzo a comparì
Le un por mai, uzel de stucco
El se crede, cì sà cì.
Se conosce, dute ormai
De sto uzel ra proprietà
Che de dì el no ne mai
E di note, el và in cà e in là.
No le bon in vita soa
Mai inze busc de se ciatà
Ma dei autre inze ra còa
El va sempre, a se cuzà.
Ecco, un quarto coccodrillo
Un rarissimo esemplar
Dera Boite e del Nilo
Molto pratego del mar.
Le una bestia busarona
Falsa, e furba quanto mai
Ra se fida, e ra par bόna
Noi zi pede, ese nò guai.
Un ciàn de bella razza
Che da turco el porta el gnόn
L' à el pelo longo; le da caza
Molto questo ma testόn.
Fόra anche el mostra i dentes
Ogni frè ch' el ven tocciă
Benché el vade de frequente
Par a geges a zirà.
Un bel musc se sente el resto
Col iò iò… a vegnì
Un bel pezo, ma de chesto
Pi in dettaglio avrei da dì.
Finalmente un scarafaggio
Vulgo, Chèfár nos vedόn
Vegnì avanti, adagio, adagio
Col còl storto, e con finziόn.
Le arrivà sto burto insetto
Dirè pura ra verità
Besèn dì che le difetto
Tanto a vende, e a imprestà.
El par zento, ara por zente
De zinquanta, e pi el tòl
Cόra zàtes gentilmente
El i ciapa par el còl.
Ecco, i mena anche ra volpe
Veccia, fina zì al so luò
Par menà chi autre tòlpe
Par el nas, come chi vò.
Noutro insetto le cà ancora
Un por mai d' un talaran
Ogni diou i ciata fόra
Tante insette, mai chest' an.
Le anche un brao dromedario
Le doi zusc, via par in pò
Un capròn straordinario
E par ultimo el so bò.
De ste zinche co se sente
Di chi jé besties, basta ben
Jè beate, jĕ contente
Se jà vena, e ben da fen.
Ce sai lóre poerete
D' interesse de comun
I sta ferme agnò chi bette
I nò s' intriga con negun.
Chi outre quattro, che mancia
Le parsones come va,
E s' ùn chera ingrata bancia
Noutra òta, i sa ciatà.
Le da feise mereea,
chi no ciape su el trent' un
Chi no dighe ara semblea
Ve saludo adio Comun.
Mancia, un giatto ancora
El serraglio a complettà
Ma le pronto, se i lo dόra
El fesc presto a capità.
Le un gattato, maladetto
Pizo, negro e forestier
Le stizòs, el no sta cieto
El fesc sempre un burto vès.
Le de pessima natura
Come i gatte, in generàl
Chesta bestia re segura
Co se tratta, de fei mal.
Un gran pèzzo saràvia
In z' un busc, el si ne stà
E dai outre in compagnia
Ra malizia là imparà.
Del so genere el se crede
Un gran gatto furbaciόn
Le superbo, ma nol vede
Che le inveze un gran coiόn.
Calchedun sostien par zèrto
Che di nόtte, el va, in ca e in là.
Che pi òtes su n' un querto
El se scόnde là a paisà.
Za sarà chesto gattato
Calche femmena i vo ben
Ce òrèo? La un gusto matto
Zerta femmenes in pien.
Che nos' outre ca in Ampezzo
Sone gnanche besèn di
Se sostade boi trentanne
Chesto gatto de soffri.
Gatto me, no te sàs nuia
Quanto pizò che te sòs
Lasca là, e bette via
A zert' une no te pòs.
No ve lascio cosci presto
Velo zuro, no la' fè
Contentae adès de chesto
El restante el sentirè.
El me disc, che anche el somaro
Chel famόs pantalόn
El no ebbe, sentù ac'áro
Chera prima, me canzόn.
Par a me Manegeria
Na risposta el me vo dà
Con un' outra poesia
Da fei propio straballà.
Te fesc ben, cosci in Ampezzo
Te son grate, che mai pi
Parc' όn carta, par un pezzo
Chel!...affar da se forbì.
Ma procura de fei meo
De fei algo, manco mal
Noutra òta tas te preo
Un poéta da Crasoál.
Io sòn anche assei contento
Se te tornes a raglià
Parcè ei un argomento
Par podè te bartasà.
E che, te èbbes el coraggio
Da un spettacolo paes.
Pό ben èsse, le zà màzo
Ra te spizza, lè el tò mès.
Che te mancia le ben vero
El tò gatto imperator
Chel amigo, bόn sincero
Che tòlesc, me a el Signor.
El nòs gatto, le zù via
Me despiage, in verità
Cosci gran manegeria
Ra scomenza, a se guastà.
Quanta lagrimes e piante
In chel dì, che le parti
Poerete dute quante
Laveόn caro, che mai pi.
Ampezzane, le ben ora
Che fenide sta canzόn
Tabaccόn, e pό fin' ora
Rezitando sta canzόn.
Dera tigres, ra zatàdes
I dentόi del Rangotán
Del somaro ra scalzades
Signor, tien a nos lontan.
Fésc, te preo chel scarafaggio
El no m' èbe da impestà
Che pian, pian, adagio, adagio
Nòl me pόde roinà.
Fesc, che un cuco ra mè cόa
El no me pόsse, mai ciatà
El se stage a ciasa soa
El me lasce, a ciantà.
Tien in vita, par un pezzo
Chesta gran manegeria
Del comun e duto Ampezzo
Par el ben, e cosi sia!