Le monete di Venezia/Documento XXII
 |
Questo testo è completo. | |
| ◄ | Documento XXI | Documento XXIII | ► |
DOCUMENTO XXII.
(pag. 248).
MCCCCXX, die VI februarii (more veneto).
Capta in collegio deputato super reformatione ceche arzenti, vigore partis capte in Rogatis.
Cumzosia chel sia de besogno a proveder che la nostra cecha bata maor quantitade de moneda che far se può, si per honor de la nostra Signoria, chomo per sustentamento de la povera zente, et etiandio chel se dia ogni caxon possibele ai marcadanti che condaga arzento a Veniexia; Vadit pars che chomo al presente se fa de ogni marcha d’arzento L. 29, soldi 10, cossi da mo avanti se debia far moneda che vada L. 29, soldi 16 per marcha. E perchè l’è do mare in l’azustar de le monede, sia ordenado che la mare che è più leziera non se possa muover, azò che la nostra moneda non se possa per algun muodo over condizion sminuir. E chomo al prexente se bate la mitade soldi e la mitade grossi, cossi da mo avanti se bata i tre quarti grossi e un quarto soldi.
De parte 22, — de non 3, — non sinceri 0.
Item, perchè l’è utel cossa a far ogni aseveleza e destro ai marcadanti i qual conduxe arzento a Veniexia, e molte fiade occorre che per un over do charati che passa l’arzento el qual se affina de la fineza che la terra a limitado, zoè de carati 55, el dito arzento non vien azetado per bon, e i marchadanti cum so gran danno e spexe con vien quello da chavo far afinar; Vadit pars, romagnando l’ordene de la nostra fineza in charati 55, chomo la è al prexente, che per subvention di marchadanti, i nostri massari de l’arzento debia e possa azetar chadauna peza d’arzento affinado che sia de tegnuda de charati 55 fina 60, e da là in suso non se possa acceptar soto le pene e streture contegnude in lo capitolar di diti nostri massari de la cecha. Et perchè l’è gran fatto a cognoscer la fineza de l’arzento a ochio pontalmente, e leziermente se può falir in danno de la nostra cecha et ancor di marchadanti, e ben, anzi utel sia a proveder sora de zò; In fin da mo sia preso, chel sia commesso ai nostri masseri de la cecha et ai provededori nostri de comun, et ai savi nostri ad utilia, che i debia procurar de haver un sazador a copella, al qual i debia dar quel salario el qual i parerà esser rasonevel et honesto; et oltra el dito salario, habia dai marchadanti de chi serà l’arzento asazado soldi VIII per sazo chomo l’a al presente. Et in quanto el dito sazador non asazasse lialmente e commetesse alguna fraudo, o veramente, non dixesse la veritade, debia star un anno in una de le prexon de soto, et esser perpetuamente bandizado de tute terre e luogi subditi a la nostra Signoria. Et azò che meio se possa sazar el dito arzento, sia ordenado chel sia fato in la nostra cecha, dove parerà più abete, i fornelli dove se faza i sazi e la prova del dito arzento, e non se possa far i diti sazi altrò per algun muodo; e sia comesso ai nostri affinadori de la cecha che i non debia nò possa far alguna peza d’arzento de plui pexo de marche 25 over da là in zoso, e se i la farà de maor peso, non possa esser acceptada ni bollada per algun muodo.
De parte 15.
Ser Franciscus Lauredano sapiens consilii.
Vult partem suprascriptam, salvo chel vuol che la fineza de l’arzento romagna ferma de karati 45, chomo l’a al presente.
De parte 10; — de non 0; — non sinceri 0.
Senato, Misti, registro 53, carte 106.