La scienza nuova seconda/Appendice/V - Pareri per la stampa/II. Della Scienza nuova terza
 |
Questo testo è completo. | |
| ◄ | V - Pareri per la stampa - I. Della Scienza nuova seconda | Nota | ► |
II
Della «Scienza Nuova terza»
1
del revisore ecclesiastico
1495Dudum, eminentissime princeps, perlegeram quae Iohannes Baptista Vicus obscurata diu populo bonus eruit atque protulit in lucem speciosa; in his binis voluminibus, quamquam ὀλιγοστίχοις mirarum tamen omnia δυνάμεως μεστά: quod sane de Hevillo Carthaginiensi philosopho Laërtius, vii, 121, commendat: contra vero adseritur de iis qui vegrandi librorum strue nos opprimunt, ut de Chrysippo auctor idem conqueritur, vii, 189, cuius «contorta non pauca et φορτίά lectores removebant». Verum, ne graecos usque recinem, semper in re litteraria visus est eadem luce Vicus fulsisse Neapoli qua Bacconus Verolamii, quem, praeterquam inter eius opera etiam Scientiarum novum organum adnumeratur, universi, teste Iacobo Hewelio, non solum iureconsultum, poëtam atque historicum, verum et veteris philosophiae ac theologiae callentissimum intuebantur; quae omnia nullus, puto, de Vico inficiaturus sit. Nihil ergo in caussa est quominus iterum tanti viri opus Mutianis typis edatur, eiusque memoria apud posteritatem vigeat et colatur.
Kalendis februariis MDCCXXXX.
Eminentiae Tuae
obsequium summum professus |
2
del censore civile
1496Mandatis Dominationis Tuae illustrissimae ac reverendissimae lubens parui, et sedulo lustravi eruditissimum librum a clarissimo viro Iohanne Baptista Vico, in regia neapolitana academia olim eloquentiae antecessore regioque historiographo, elucubratum, in quo nihil quicquam quod suprema regis nostri iura laederet offendi. Opus sane mole fortasse exiguum, pro rerum vero novarum magnitudine maximum reputandum. Quare typographicis formis tradendum censeo, si tuum adcesserit arbitrium.
Datum Neapoli, ex aedibus Sancti Dominici Maioris, pridie kalendas iunias epocae christianae anno MDCCXLIV.
Excellentiae Tuae
humillimus, addictissimus et obsequentissimus famulus |