La insuda
 |
Questo testo è da formattare. | |
La insuda.
Sion da insuda,
Sion nte n autra sason,
L sol a cambiè, no ne pi chel,
o ce bel!
La insuda la è chilò
E sto invar fet el no commanda pi
la cugnù s en xi.
Salve chi a creà ste bellezze
De sta sason che le la insuda,
bele vignuda.
La sta n crudo da valch sta ota,
Giazava ite dut nfin i sas
e incia l nas.
Ades godonesse la insuda
Che la è vignuda bona ciauda
chesta si sauda!
Da insuda duc jè contenc
Parcè che no nè pi cusi chiet
ne gnanca fret.
Ades duc va de fora
E se scomenza a laurà
e sintinà.
Incia le femene le daur el barcon,
Le lassa la ciauza e la roda
e le va de fora.
De fora dut lè bel vert
Ste arbe le scomenza a vigni
semper de pi.
E i guziei jè jaro chilò,
La è tan bella sta sason,
se la godon!
Le zigre jè vingude,
Le scomenza a fabricà
e ristaurà.
Canche i centa duc a una
Sti guziei i fa n gazer
che l è n piazer.
Le fuoje le scomenza a spontà
Ma alla pena che somea a siti
baffi de coscritti.
Insoma la insuda la è bella.
Calche ota ven n onda
ciara e monda.
Incia l ziel lè bel saren,
De not lè dut stellà
da incantà.
I siori istesso, i lasse le basse,
E i se tira pi aut,
che l è manco ciaut.
Infatti n auter vive lè adess,
La porta content sta sason
de chel bon.
Ades le not le ven pi curte,
E de not no se và pi,
lè meo dormi.
E cusi me avè capi.
Chi da Coll je furbi e fign,
pu je Ladign!
Melchiore Colleselli.