La funtana da Puntives
 |
Questo testo è da formattare. | |
La funtana da Puntives.
Dan plu cent anni fovel ora per ki mushnejes da Puntives de biei bosch i pastures. N disch ncie ke da vedlamenter dessel vester stat ilo na citta.
N di vardova l paster da San Piere la vacies ite per ksta pastures. Da mesdi se sentel dlongia na funtana a se maje npue de pan sek i se bever npue de lat.
N tan ke l marenda ven n tel pitl mandl, n zwergl adalerk, se senta dlongia del i skumencia a se lamente di stlet temps, de fam i n schi via. L paster, n bon koscho i da mez n pan i l lascha bever ora de si kondla dal lat. ‒ Kan ke i a abu fina de marendé i se l a npue ciakuleda, rengrazia kesch pitl zwergl de kuermenter i dan pie via dishl ke l dessa metter la kondla sotta funtana i la lasche na nuet. L di do sarala pleina de sablon. Kesch sablon dessel shete ten fol dala farina i la purte l di dl annes da seira sun plaza dl aucia a Tluses.
L paster fesch n schi. L di do fova la kondla bel n pont pleina de sablon; el la sheta tn fol, l ashkuent i da dauton l di de l annes do mesdi val limpea a Tluses. Sun plaza dl aucia ankontel danter eures n gran senieur i kesch l damanda cie ke l porta pa tlo te kesch fol.
L paster gieura, lascha udei i dala sperduda essel adess lascha tume l fol ‒ l sablon fova deventa blot plover d or.
L senieur i sporsch al paster na beursa kun cent zekins d or laite i sen sparesch kul fol.
A shi a ciesa sen pensa l paster kesch vuei pa fe plu suenz.
Bel l di do val kun si kondla ta Puntives; ma giut i lonc i lerk al kri, zenza vester bon de giate su la funtana ula ke l ova d insta metu sot la kondla.
Da ntleuta in ka ne nan mei plu nreschi velk d ksta funtana dal or.