La fondazion di Venezia/Azione I

by Carlo Goldoni

Azione I

../Prologo ../Azione II IncludiIntestazione 5 agosto 2023 75% Da definire

Questo testo è completo.

Carlo Goldoni - La fondazion di Venezia (1736)

Azione I

◄

Prologo

Azione II

►

AZIONE PRIMA¹.

Besso, Dorilla e Niso. Coro di Pescatori.

Coro. Mattina e sera

Cantemo: e viva
La libertà.
Questa è la vera,
Questa è la nostra
Felicità.
Besso. Cossa serve, fradei², l’arzento e l’oro,
I superbi palazzi,
Le ricche veste e le preziose tole³,
Se el tesoro mazor no se possiede?
Digo la libertae dada dal Cielo,
Conservada da nu con tanto zelo.

Dorilla. Mi certo non invidio

La fortuna de quelle
Che de ganzo⁴ vestìe, carghe de zoggie⁵,
Nega la volontà per complimento.
Oh quante con tormento,
Per forza e contragenio maridae,
Ghe tocca d’ingiotir,
Co se sol dir ⁶, le pillole indorae.
Niso. Caro sier Besso, ho sentio dir da tanti,
Che le persone ricche
Magna boni bocconi;
Nu semo poveretti, e me rincresce,
Che me tocca a magnar sempre del pesce.
Besso. Cossa vustu de meggio? Un bon bruetto⁷
De bisatti ⁸ marini, o femenali ⁹,
Un cievolo¹⁰ rostìo,
Quattro folpi¹¹ da latte,
Un pospasto de cappe¹² o masanette ¹³,
Xe meggio de pastizzi e de polpette.
Dorilla. E no ti xe contento
De quelle sepolline¹⁴,
Che te fazzo magnar tante mattine?
Besso. Orsù, a monte ste istorie;
Pensemo a far le nozze; avanti sera,
Vôi che siè maridai.
Dorilla.   Caro sior pare,
Sarò tutta contenta.
Niso.   Missier Besso,
Farò quel che volè, ma fin adesso
No ho fatto altro mistier che de pescar,

Nè so cossa che sia sto maridar.

Besso.   No ti intendi maridar?
  Se l’intende fina i pesci,
  Muti e sordi in mezzo al mar.
  Mamalucco senza inzegno,
  Ti è più tondo della luna;
  Se ti perdi sta fortuna,
  Ti xe un matto da ligar. (parte

Note

1. Nell’ed. Zatta (t. 36, cioè t. 2, cl. IV, 1794) è stampato: Atto solo; e poi: Scena prima.
2. Fratelli, detto in tono cordiale.
3. Tavole, ossia mense. Ed. Zatta: tele.
4. Riccio d’oro, broccato: vol. XVIII, 409; v. Patriarchi e Boerio.
5. Gioielli.
6. Come suol dirsi.
7. Brodetto, dall’antico bruo, brodo: v. Patriarchi.
8. Anguille.
9. O fiumenali, cioè fluviali: anguille gentili. V. Dizionario di G. Boerio; e leggi Elio Zorzi, Osterie Veneziane, Bologna, 1928, pag. 32.
10. Cefalo.
11. Polpi. Vedi E. Zorzi, l. c. p. 28.
12. Molluschi rinchiusi in conchiglie marine: Boerio e Zorzi, 1. c., pp. 29-31.
13. Specie di granchi: Boerio.
14. Seppiole: Boerio.