La buna saira, meis char spus/2
 |
Questo testo è completo, ma ancora da rileggere. | |
| ◄ | 2 | Matt' o tü bella matta | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
74.
a.
(Annalas VII, Derin, p. 62 — 3.).
La buna saira, meis char spus,
Vuless tschantschar duas pleds cun vus!
Jofaliolela jofalia.
Scha vus cun me ’vais da tschantscher
5 Schi cun pochs pleds as fat incler
Perchè passond davant me her
Nun’ s ’vais degnó d’am salüder?
Scha salüdeda ch’eu nu’ s hé
Crai bain d’havair radschun per que.
Scha’ vais radschun schi dsché pür co.
10 Crai da’ s havair saimper amó?
Amó cha ’m vais quai crai eu bain
Ma na da cor sco chi’ s convain.
Che vulais vus eir oter dir?
Scha saimper ’s he amo dal sgür!
15 Scha vus am ’vessat bain vulieu
Schi sgür nun füss eu stat tradieu.
Stovais bain esser zond ingrat
A dir cha tradimaint ’s’he fat!
Eu’ ha bain vissa l’oter di
20 A discurir cun quel ami.
Eu d’hé discuors cun quel be her
Ma na sül fin da ’s ingianer.
Cha fetschat quai per bain o mel
Intant la sair’al dais tramegl.
25 Cha vus be quist dir am suoschais
Ün cor crudel havair stovais.
Meis cor es bun per vos avis
Eu non dschess quai sch’eu non ’vess viss.
Che ’vais vus viss? che pudais dir?
30 Giand vus davent vegn a durmir.
Manzügnas dschais per as schüser
Mo’ l tradimaint d’hé viss zuond clêr
Scha eschet juven dad onur
Dsche’ in che möd ch’eu n’ha fat qué?
35 L’honur meis quel es pü co vos
Cha traditura dir as poss.
Cun dir noschs pleds na demossais
Ingotta d’quai cha dit havais.
Tres vossas fneistras d’hé guardo
40 Ün sper a vus d’hé viss tschanto
Stovais bain’ vair ün cour crudel
Scha vus non dschais chi eira quel
Quei eira prezis quel ami
Cha discurieu ’vais l’oter di.
45 Que saro sto be vos suspet
Chi’ s fará crair quist per vardet.
Vardet ais mieu suspet na fos
Cha as partind ais ’vais bütschos.
Cun dir noschs pleds vus dimostrais
50 Cha be alch cunter mai havais
Mategn dasçhais pür asgürer
Il tradimaint d’hé viss zuond clêr.
Eu’ m müravagl da vos ardir
Cha suoschas quist avant mai dir
55 Eu suosch dir quist avant scodün
Cun la vardet non tem ingün.
Non ’vess ma cret quétant da vus
Crajeiva d’havair ün bun spus.
Non ’vess fat quai nell’quista gieda
60 Scha giuvn’onesta füssat steda.
Schi trat dimena la merceda
Me ’m ’vais fin uossa snaranteda.
Scha vus non ’vessat tant tradi
Meis pled havess eu sgür mantgnü.
65 Co ’vais il vöss sainz’oter dir
In quista moda’ s lasch eu dir
’Na buna part del oblig vos
Rendant il mieu vus qui faros
Schi «pietigot» il meis char spus
70 In man da Diou as di a vus.
Eu sun cuntaint da meis destin
Cha l’amur nos ha fat ’na fin.
b.
(Annalas XI, Vital, p. 216 — 17.)
La buna saira, meis char spus,
Eu v’ less tschantschar duos pleds con vus.
Duos pleds con mai volais tschantschar
Schi con pacs pleds as fat incler.
5 Vus m’eschat passà daspera via,
Non s’ vais degnà da ’m salüdar.
Scha salüdada eu non s’hai,
Schi ha eu la radschun per quai.
Non staivat esser usche ’ndiscret,
10 Non staivat crajer in vardet.
Eu ha bain vis eis l’oter di
A discurrir con quel ami.
Non staivat esser ün crudel,
Vus staivat dir, chi chi ais quel.
15 Chi chi ais quel as vögl bain dir,
Ch’el ais eir ün da voss amis.
Nun staivat esser usche ’ndiscret,
Non staivat crajer in vardet.
Eu ha bain vis eir l’oter di,
20 Cha con partir as vais bütschats.
Gni nan eir vus, il meis char spus,
Eu sa d’avair saimper amur.
Amà cha ’m vais que crai eu bain,
Ma na da cour, sco chi ’s convain.
25 Che volais vus eir oter dir,
Scha saimper s’ha amà dal sgür.
Vus crajais da ’m far il strapatsch,
Schi sün meis cheu port il chapè.
Scha sün vos cheu portais chapè,
30 Schi la baretta porta meis.
Eu sun containt da meis destin,
Cha l’amur nossa fa üna fin.
Schi Buetigott il meis char spus,
In man da Dieu as di a vus.