L cian che spudova fuech
 |
Questo testo è da formattare. | |
L cian che spudova fuech.
Stëifl dla Bruscia fova jit na sëira ora Sacun a mutans. Canche l jiva da Ulëta ora sunovi ora l preve. Ël vëiga mo, coche la lun pea ora per Triech.
Canche Stëifl jiva ora per troi de Plajes, fova la lun bel ora Pitlbolser. Ël se pënsa ncuei va seniëur Caplan debota; ulà jirai ma mei cu na tel prescia. Śën pëii la streda da Sacun su, mpede jì do l stradon ora. Ulà jirai ma mei tan dassenn.
Canche Steifl fova ora Sacun daujin da cësa, ulache l fova per jì a mutans, univa la lun so cësa su.
Per ne se lascé udëi y ne messëi se dé da cunëscer, se spaza Steifl bën dassenn a ruvé da porta ite.
Ma la lun fova bel dan ël sun porta. Canche l ruva daujin, vëijel bën che l ne fova na lun ‒ I fova n gran cian fosch che spudova fuech. Chësc cian i peta a Steifl cu na ciota ju per l spinel y se n mucia.
Dala sperduda y da la pëura fova Steifl mo giut do stà nia nton.