L' Orco y Iocl dl Vedl da Corvara
 |
Questo testo è da formattare. | |
L' Orco y Iocl dl Vedl da Corvara
L' Orco é un gran burt malan,
dô les animes plëgn de fan;
sciöco l' lu che mangia la ćer
dles püres bisces bëgn bëgn rabius,
insciö i sâltel daò forius
per les trá jo in funz del infêr!
Cara jëint! N' i jide damprò,
lò ch' l' tofês, oltésse inaò!
Ne stede a i craié, ne stede a l' scechè
y ne stede a l' temëi, sc'al ves ô tramentè!
Signésse y tolede, sce podês, l'ega santa
che ćiacia la forza dl infêr düta canta!
Os ne savês os ćî ch' al é stè.
Iocl dl Vedl savess pa contè!
Al á odü l' Orco damprò da cortina
ch' al i parô imprüma l' ćiaval dl Fojina.
Ma chël ne fovel ch' al foa a Bornech,
stanch y pëigher sciöco n gran sgnech!
pagina:234
Mile y otcënt y spo vintecinch
contân ch' les stibles de parincinch
stlefaa jö in stüa de comun
a plëna lüna la nöt de Capiun.
Per lincerna servía la lüna
ala fia de Iocl ch' anjignava la cüna.
L' früt dl pićé salodava chësc monn
intan che Corvara ciaoriava tel sonn.
Y l' pere verc che foa Iocl dl Vedl
- san bele - na te' ôta ne stlojoa pa n ödl.
L' romun dla cosciënza ne l' lasciava dormí,
al saltaa it' y fora tl scür - abramí.
pagina:235
Fòra in sorá l' porta les giames,
lëi[gn]s ch' paroa d' chi da Côl de Flames.
Te chël ch'al vëiga l' ćiampaní,
tomel inaò, düt intramortí.
Ater ch' l' ćiaval dl Fojina
che ćiarava sura l' mür de cortina!
Al vijoa bel tres chël ćiaval:
col će tocável sön ćiampaní prëst l' gial!
Ćiari, Iocl, ćiari ćiamò n pice püch!
Al spriza dai ödli gran tizes de füch!
Al trëma la tera ch' al pësta coi fers,
y dala boćia - oh! - ći n bur vêrs!
I morć se spavënta jö in funz de cortina,
sc' al ciga da orco y scassa la tlina!
pagina:236
Oh püre Iocl, pür' vedl, pür' diao,
ast' aldí śëgn y odü śëgn l' bao?
Vêgheste śëgn, vedl, ćî ch' al ô dí
a tomè fora de grazia de Dî!
Sce t' esses gornè n pü mic chëla müta
col aiüt de Dî che gën nes aiüta,
ne n' esste odü l' Orco y ne fóssel n bastert,
la fia no te piz che stessa de pert.
Mo śëgn ć' ôste fá? Oh sëgn'te la frunt!
Ne vêgheste ch' l' Orco é gran sciöch' na munt!
Sciampa te stüa y tèt' l' ega santa!
I me tëme scenò che l' Orco t' la ćianta.
Va dô fornel a servî śëgn tüa fia
y státen pro d' ëla fin al sonn dl' aimaría!
Chël ch' é fat é śëgn fat. Fajed' penitënza
y tö y tüa fia, y imparede cherianza!
Perćî n te' scandol te düt l' paîsc!?
Ne fóssel mervöia, sce Chël Bel Dî in paraîsc
menessa l' Orco o ćiamò valch de più
a ćiastié n te' gran pićiadu?
pagina:237
L' püre Iocl, düt spaventè
se [n] sciampa te stüa, dër burt sarventè.
Tl müs i vëgnel na burta gran rogna,
al cridla y smoćiogna ch'al é na vergogna.
Y os jë[i]nt, ch'ês odü chësta storia,
pensede a os stësc y ne n' [a]éd' tanta boria!
La soperbia é la cüna de vigne gran viz
che á sciuré l' verc pere y süa fia te n piz.
Śëgn stede bëgn y bi prosc indertüra,
y spo dal Orco ne n' aéde paüra!