I conti di Ventimiglia, il priorato di San Michele e il principato di Seborga/Documento I
 |
Questo testo è completo. | |
| ◄ | Documenti | Documento II | ► |
I
954. - In xpi nomine Amen. Ego Guido Imperialis comes vigintimilij et Susanae et Marchio Alpinae Maritimae proficiscens contra perfidos Sarracenos in subsidium illustris domini idelphonsi regis hispaniarum avunculi mei cum Antonio fratre meo preside honoris imperialis in pedemontium . et Alpium marchione . et bomasio comite sabaudiae fratre helionoris uxoris meae . et buaymunde marchione montisferrati . et brenquerio comite valentino nepotibus meis . et conrado primogenito meo futuro comite vintimilii et odone secundo nato meo futuro marchione Alpinae Maritimae et Rolando postremo nato meo futuro comite in Lusana et montibus carfanbanae et vivaudo de castello cum bonabella et odone de cravezana et curlo targa nigra domino sepelegi et Eyrolae et iudice balbo domino de banco et Saysone commilitibus meis . divinum iudicium timens et mortis incertitudinem expavescens de consilio supradictorum ordino . dispono . et eligo pro me et meis liberis ubicumque me et illos mori contingat sepulturam in capella sancti Michaelis . quam pater meus construi fecit in oliveto suo apud vintimilium . quam capellam cum hospitio et oliveto iuxta posito et cunctis terris cultis et incultis . ortis et molendinis et domibus quae sunt a porta burgi lacus subtus vigintimillium usque ad podium sopradictum olivetum et sequendo altiora colla dicti podii usque Apium et descendendo ab apio ad cogalono et vittes merlo et circuit flumen rodolae versus prata roulinij et ad dictam portam lacus sequatur cum omnibus aqueductitibus dicti fluminis rodoie a dicta porta lacus usque beveram . et castrum de sepulchro cum mero et libero imperio cum eius habitatoribus et territorio, sicut incipit a cola crucis . et descendit per vallonum vallis organae et malazini et progreditur infima convallium usque ad passum de lona et de dicto passu ascenditur ad rocham scuram supra sepelegium et ex alia parte sicut a dicta cola crucis progreditur per altiora loca moncium medio existentium usque ad montem nigrum . et decendit per vallonum dicti montis usque ad passum de gargo et iungitur ad dictan rocham scuram . quae supradicta sunt propria iuris mei . dono . lego . pro sepultura mea et anima mea et parentum meorum et ex nunc offero Deo et Beato Honorato et Alberto abbati et fratribus monasterii sancti honorati insulae lirinensis . sub expressa conditione quod dictam capellam . neque dictum castrum de sepulchro possint vendere . cambiare . vel aliquo modo alienare a capella et fratribus Lirinensis habitantibus ibidem . quod si fecerint comittant predicta et ad fratres monasterii sancti petri montis maioris penitus devolvantur . retinens liberis meis et eorum legitimis successoribus . ut possint quamdiu in vigintimilio si fuerint et hospicium non construxerint cum dictis fratribus hospitari ibidem . ligna . salem . aquam et mapas cum utensilibus ad coquinam tantum ab ipsis fratribus accipiendo . iniungens colrado primogenito meo et suis successoribus si hoc nequi verit adimplere ut ante sepulchrum meum in dicta capella construi faciat altare beati antonii et iuxta dictam capellam hospitale pro infirmis sancti Antonii quibus ipsi fratres serviant . et de predictis rogo et iniungo per henricum meum iudicem notarium et cancellarium chartam conscribi et prenominatis testibus signari et bulla mea sigillari ad perpetuam memoriam.
Ego Guido qui supra comes imperialis vigintimilii et Lusapae et marchio Alpinae Maritimae . predicta omnia per me supra donata approbo
Ego Antonius Marchio Alpium
Ego conradus . ego odo . ego rolandus . Ego thomasius comes sabaudiae . ego buyamundus marchio montisferrati . ego trenquerius comes valentinis . ego vivandus de castello . ego bonabella . ego odo de cravezana . ego curlo targa nigra . ego iudex balbus . ego sayso.
Actum in municipio varigoti et scriptum per me henricum iudicem et notarium cancellarium praedicti domini Guidonis com . vigintimilii et Lusanae et marchio alpium maritimarum precepto . et meo signo signatum , illustri domino ludovico romanorum imperatore feliciter imperante . anno dominicae incarnationis nongentesimo quinquagesimo quarto tertio kalendas aprilis indicione duodecima datum et attestatum .
(Arch. di Stato . Torino. Cat. II).