Historias dil munt sogn Gieri/9
 |
Questo testo è incompleto. | |
| ◄ | 8 | 10 | ► |
Igl um ed il giavel.
In pauper um en stiva steva,
Sedesperar bunamein stueva
Cun massa deivets e negins daners —
1420 Negliu, negliu anflav' el criedi,
Ei deva per el negin remiedi,
En quort stuev' el esser pers.
E vid il gianter el pertratga —
Fuss quei schi peccaminusa fatga —
1425 Ded ughegiar in pag cun lez?
En buca ditg igl esch sesarva —
Già trembl' agl um la fleivla gnarva —
Quel culs peis caura vegn en sez.
Osut siu mantel curtauna tgemblada
1430 Cun marenghins cun ina gada
Il gianter muossa al pauper um,
E stat cun curtesia en stiva
E tschenta igl aur cun egliada pitgiva
Sigl ur della meisa oransum. —
1435 Jeu emprestel cheu aur en abuldonza,
Sche ti vul dar la declaronza,
Ch' jeu stoi haver per quels daners:
„Sas viver in onn en ventira reha,
Stos lu turnar curtauna streha,
1440 Schiglioc senz' auter eis ti mes. —
Uss ei la curtauna bein tgemblada,
E per schenghetg per ina gada
Jeu laschel ils marenghins
tgemblai.“
Igl um pertratga e studegia,
1445 Sin buna ideia el gartegia
Mirond sin tonts daners dorai.
Lubi a mi aunc la domonda:
„Nies patg bein buc a mi scommonda,
Avon ch' igl onn sei alla fin,
1450 De returnar curtauna pleina?“
E spert il nausch el pact ordeina:
„Turnar ei lubiu avon il termin.“
Cul bratsch de ponn igl um uss streha
Il tgiembel d' abuldonza reha
1455 E mett' en buorsa senza dumbrar,
Lu fil a streha la mesira
El dat e di al giavel che mira!
„Grad ussa pia jeu vi turnar.“ —
Igl um per ditg ei ord la pupira,
1460 E po aunc rir de sia ventira,
Vivend quels dis oreifer bials. —
Cun tuorp il giavel va navenda —
Malidis di el silla senda:
„In' autra ga stos ti esser pli
mals!“
1465 Risada po en sala ils auditurs scurlar,
Ch' il nausch cun ton giudeci selai aunc enganar.
E legramein excloma il giuven Lanzelet:
„Per conclusiun ins metta vitier cheu il verset:
Praula, praula, giacamaula,
1470 Sche ti vul buca crer,
Sche va giun streglia,
E lai tigliar giu in' ureglia;
Mett' ella sin in pal
E lai tochen nadal,
1475 Sche vegnas ti ord marveglias.“
Giud sia supia biala il grazius signur
Riend va tier il Tieni e di: „Miu pescadur!
Co gl' um cugliun' il gianter nus vein bugen udiu.
Saveis bein è descriver, co vus haveis empriu
1480 Entras malezia fina, ils pescs de cuglianar
Cun rischas e pes-cheras, … ch' els ston pigliai restar?
Il pescadur Antieni raquenta levamein
Da caussas de pescada, d' inschins ch' el drov' el Rein.