Historias dil munt sogn Gieri/25

../

../ IncludiIntestazione 1 ottobre 2015 25% Da definire

Historias dil munt sogn Gieri Historias dil munt sogn Gieri

Il buob e la candeila.

<poem> 3355 Ina gada er' ei si Tavau En in pign ucclaun allontanau Ina veglia tschocca fetg temida Cun il num de „Brida sbargalida“. Quella femna nauscha maluardada 3360 Tal' uisa fuva fomentada, Ch' ella pigns affons sepers tschappava Ed aunc glieut carschida attaccava. Quella veva en nuegl serrau In mattatsch en quei ucclaun zuppau, 3365 La vegliuorda lev' el engarschar, Far de maz pli tard e consumar. En nuegl de cauras il buobet Era pertgiraus el cabinet. La vegliuorda tschocca la damaun 3370 Schava or las cauras. Mo cul maun Stend sil pass nuegl ella palpava Buca ch' il mattatsch o sur la sava, Setenend si dies en cramados Metschi cullas cauras il davos. 3375 Co fugir, il buob ha studigiau, Ed in bien pertratg el ha anflau. Bia pelegna liunga sut il venter Ha la caura gronda. Cun sestender Tgaumalè e setenend culs mauns 3380 Sut ensi els loghens umbrivauns La vegliuorda fors' ei d' engannar: Ed il mat concluda d' empruar. L' auter di sesarv' igl esch nuegl: Tier la caura gronda cun in segl 3385 Va il mat, setegn e lai runar Denter combas. Tut tuccar, strihar Della tschocca sul dies caura ora Gida pauc. Sco ina buna sora Porta la cauruna cun sbargat 3890 Ordado igl inschigneivel mat. — Egl uaul il buob spindrau camina, Cuor' entuorn sco ina selvischina. Tochen notg el po negin anflar, Che pudess el bein entruidar. 3395 Sin in pegn, mirond entuorn el reiva, Ina glisch siu egl da lunsch retscheiva, Ed el va en quella direcziun, Anfla sin in crest l' habitaziun, Mirs antics e grischs ha il casti, 3400 Tetgs da plattas ves' ins suravi Ed en tut fenestras graschlas treis. Nies buobet va sin il rieven teis. Mo la tuor davon ei senza porta — Vi davos leu silla vart macorta, 3405 Si egl ault stat ina pintg' intrada, Leu sut la miraglia ferm mirada Dat in schul il buob, cun dets en bucca; El balfrid zatgi uss seballucca, Ina femna sil lautget compara, 3410 Ed il buob de star sur notg empiara. Ina scala da sughets nuada Giu a bass vegn gleiti lu sbassada, Il mattatsch setegn e passa si, Seschluetta lu el vegl casti, 3415 Anfla femnas veglias en cuschina, Treis vestgidas tut precis tuttina: Schlappa seida quarcla giu il tgau, Lur spartgida ei gia grisch' empau. Tschiep cun porta e tschos surcusiu, 3420 Fauldas tochen dem ha il vestgiu. Tier la fueina vegn nies pign mattatsch, La capiala pren el giu en bratsch, Ch' ins en fatscha ves' il suadetsch. El giavischa de star en survetsch. 3425 Las treis veglias han el acceptau E plirs onns sco lur fumegl salvau, Per far lenna, rugalar ils orts, Ir per aua, far de tuttas sorts. Remarcablas femnas eran quellas, 3430 Ord in cup persul magliavan ellas, E dormevan communablamein En in letg cun spundas da lenn stgein, Ch' era sco in baldachin curclaus, Cun figuras gaglias coluraus. 3435 In tschaler d' arviul las veglias vevan, Sillas meisas biaras glischs ardevan: Mintgaton las mavan giuaden E sufflavan ina glisch naven, Sco sch' ei lessan destinar aschia, 3440 Ch' in carstgaun fineschi l' agonia. Envidavan glischs lu aunc entiras, Per las niev naschidas creatiras. Il fumegl haveva de gidar Las candeilas novas d' envidar. 3445 Ord tschaler il mat pren ina gada In pign toc candeila envidada, Tut de buna fei en combra sia Senza patertgar de furberia. Sco per far termagls, per siu plascher 3450 La candeila prida ord tschaler, El lai dar el tgau ded envidar: La candeil' entscheiva a plidar: „Tgei vul ti da mei?“ Il mat surstat — Mo domonda lu cun spertadat: 3455 Orda quei survetsch jeu less vegnir, La ventira ir ad encurrir. Sas ti mei gidar, fai mei signur Dil casti Belfort e possessur De tut quei, ch' ils cavaliers havevan, 3460 Ed els tschentaners vergai gudevan.“ Sin quei sil moment sesanfl' il mat Spel Belfort sur la profunditat — Mir' entuorn giud quei selvadi grugn Ves' ils quolms dil vischinont Bergugn, 3465 Che sestendan si en l' aria blaua, Auda l' Albula giusut Suraua. Historias dil munt sogn Gieri 95 In fumegl surdat las clavs ad el — Il mat pren possess digl ault castell. Ina giuventschala silla scala 3470 Mein' il giuven tiel tgamin en sala. Ed els van bufatg en la caplutta — Porschan in a l' auter la manutta Dafertont che la candeila brischa — Ed en lur ventira clar terlischa. 3475 Sin la dunschala Mengia uss volvan tuts il tgau: Siu clar manti cun franzlas, ell' ha aviert empau; Siu bi culiez de gielgia ei alvs e bein formaus El tgierpet blau de seida il bistuoc ei tschentaus. La Mengi' en mongias alvas entscheiv' a raquintar 3480 Da las tschereschas neras, che han pudiu curar La feglia malmalsauna, ch' il retg ha stoviu dar Ad in undreivel giuven, ch' ei staus fetg premuraus, E per bia bunas ovras en fin remuneraus.