Eu pro vus, bella, ir voless

romancio

Andrea Vital 1908 Indice:Decurtins - Rätoromanische chrestomathie, IX.djvu Eu pro vus, bella, ir voless Intestazione 30 marzo 2021 75% Da definire

Eu 'vaiv' üna marusa Taglé, vus mattas bellas
Questo testo fa parte della raccolta Rätoromanische chrestomathie

Scarica in formato ePub Volkslieder   di Autori vari (1908)

[p. 71 modifica]

35.

(Annalas XIV, Vital p. 226/7.)

Eu pro vus, bella, ir voless,
Plaschair meis 'vair da cour,
Con desideri ch' eu avess
Uossa da' s podair tour.

5 Cha plü bell' e plü' miaivla,
Mai eu non ha vis;
Scha no 'm pigliais, schi eschat causa
Da' m far gnir vegl ant dis.

Char Sar vus bel, ch' eu vögl bain dir,
10 Ch' el tschercha pür utro,
Ch' el piglia quaists trais pleds a cour
Ch' eu no' m marid amo.

Co quaists trais pleds fan mal meis cour,
Cur ch' eu m' impais quell 'ura,
15 Cur ch' eu crajaiva be da' s tour,
Stovair murir ant ura.

Char Sar vus bel, ch' eu 's vögl bain dir,
Cha be con üna botta
Non croud' a terra brich ün lain;
20 Usche ais la resposta.

Buna saira, o vus bella,
Eu sun darcheu turnà,
Scha 'l vos cour indüri,
Quel füss ün pa lamgià?

25 Bainvgnü, charissm' ami,
Acqui in chasa mia,
Schi stoverà eu crajer.
Chi saj' ordinà da Dieu.

E vus, charissm' amia,
30 Schi' s vögliat adegnar,
Quaist anè bain da pigliar,
In amur mia da portar.

Con quaists duos pleds finescha,
Cha Dieu ans benedescha;
35 Con quaist volain finir,
Cha Dieu' ns vöglia benedir.