En gaujiun dla mëssa iubilata
 |
Questo testo è da formattare. | |
In gausiung d' la meissa giubilata d' l molto reverendo signur don Jaco Grossrubatscher, Curat Emerito d' Arreba, Esposto a Lailla.
Ciantia
Soulles parores d' l Eccli. 44, 1.: "Laudemus viros gloriosos et parentes nostros in generatione sua."
Gnide ca, ciantung fortuna
De buriada nos Ladings,
'L fatt cunteile bell' te cuna
E de gusto a ousc' bambings.
N' ell' passè deseingn' appeina –
Sauri i poste compedè –
De puci angn' na sora d'seina,
Ch' ceincant' angn' ott Proi è pro Altè?
Iddì su, ch' dutt sa, l' ha in vista –
Duttg' èi d' l picce nosc' paisc' –
Di grangn' beingn' s lungia lista,
Ch' ei ha tratt dal Paraisc'.
Mo eil gnarà cheil dè, ch' l' udungse
Incie nos cung grang plajei;
Tra gli eletti ciantarungse:
Viva, eh! sung salvà pur Vei.
Fora e sou colla gherlanda
Meffo deir in cheisc' bel dè,
La morona Veneranda
D' perles gnide a saludè.
Comparide Venerandi –
Cat'r in gloria, e cat'r ai viis –
Vecci d' meriti Onorandi,
D' dignitè virtù e fadiis.
Rudiferia D'gang Calonic,
Soppla in grang suius d' laùr,
Siur Domeine malinconic
Mai, duttg' esi in grang unùr.
Mo r'cordesse ci Degilia,
Brao Curat fu da Colfosc,
'L prum, ciantè ch' i ung la Vigilia
Di defonti in curù fosc.
Perles vives t' la gherlanda:
Don Cortleiter in San Marting,
Pleing'n de zelo in su facceinda
D' Sior Domeine bel jom'ling.
Spo forneisc' di Giubilati
D' nosta bella Patria 'l Cranz
Pro nousc' Proi vecci onorati
D' Ciastellrott Don Clara Franz.
E 'l plou jon n' lasceunde fora
Signor Lunz in grang merìt
Trouppes Dlisies fesc' parora
Di diolangs, ch' i gnung debit.
Seingn duttg' sou, fascei na viva
A Sior Jaco da Lailla,
Dutt Lading cung usc' giuliva
Scrai da vigne ciasa e villa:
Signor Jaco! Mille vives!!
In tal bel solenne dè!
Duttes cantes attrattives
D' beingn's zelesti in sura Osc' ciè.
Coroneis incoù 'l bel Coro
D' Reverendi vecci Proi,
D' nosta Patria ch' è 'l decoro
D' sua fortuna e i protocoi.
Os godede in grang ligreizza
D' Osta vita 'l plou bel dè,
Ch' è caparra de ricchezza
Pur dutta Osta eternitè.
Ceincant' angn' ciamò viede
Duttg' compag'ns al dè da incoù,
Spo cunteint t' la palma piede
Che s' aspetta in Ceil lassoù.
- Di Reverendi Vecci Giubilati 'L rispettoso Clero e popolo lading.