El mio paisc
 |
Questo testo è da formattare. | |
El mio paisc.
El mio paisc ʼl se clama Fodom
e l’ è ʼn scito bel e bon.
Ven tres sciori a l’ vijitè
e duc volassa restè,
i se ferma pa qua e là a cialè intorno
fin ch’ i vën debota ciourgn
che rive ʼn on pa assè
e debita da ste a pulinè.
A mesa la val passa el stradon de le Dolomiti
en pruma el passa per Reba, un dei plu bei sciti,
e po’ el rua ja Renac
ilò on ʼl campo sportivo da fe duc i ac’.
Ilò l’ è ince na picola capela
che de le Madone l’ è ite la plu bela.
En fro plu in avant se rua a l’ albergo
che Bosco Verde l’ è scrit sul tergo.
A ste ilò sul parapet
se veiga Col de Lana de rimpet,
se se auton verso mesdì
vedon cale aurone che i assa tant da ne dì.
Ju de cale aurone davant en pèr de agn
l’ è vignù ju na boa che l’ è marevoia se son ancora sagn.
Dopo se rua fora al forte e se chi se ciala su dart
se veiga su Chierz e po se tira dart.
Prast ruon pa fora La Plie, che l’ è la capital
de la nostra bela val.
A man darta de La Plie
l’ è Ornela se volon ie cialè;
e se sa-sa na teleferica per strada
se ruasa giust via la Marmolada.
Defora da Ornela l’ è Sotil e Davedin
che ie bel sun nost confin.
De là da La Plie l’ è Salesei, Andrac e Larcionei
e plu en ʼn avant no ocor savei.
Sot a La Plie ju
l’ è ja Plan dinongia ru.
Plu ʼn ju no vòi ruè
che Fodom no nʼ è.
Adess ve salude e dighe adìo
Che a ruè fin chilò ʼn è bu en pio.