Di Salvans y dla Cristanes
 |
Questo testo è da formattare. | |
D i Salvans i dla Kristanes.
A Urtishei, seura Nudrei su, de vieres de Secieda jel na neida ke se tlama l pra dla Tambres. La vedla shent konta, ke tlo n teur seura l pra dl Mareufer i sui plans da Feur, pr l plu n teur l troj pajan, se teniva su zakan for tlapes de shent salvera. L fova shent ben kerschuda, granda i gerda. I purtova na berba longia, i ciavei dut n teur shu, guant me puek. I fova usei ite al freit i al ciaut. Viver vivovi de ciern salvera. Teni su se tenivi pr l plu t i bosch n teur ora, ma i se fashova ncie daushin dala cieses per pudei rube dut cie k i giatova. N konta ke per vester segures dai salvans purtova da vedlamenter la cieses daushin dal boschk de seura pert pr vieresh dut me tei pitli bushes.
Kish salvans fova temui dala shent k messova passe n ki temps l troj pajan, k menova dal Balest ka via pr l boschk d Reschiesa ora Lajon. N ne se resiova nia a shi seui ora pr ksch troj, no me pr la ria shent salvera, ma n cie pr la lores i leufes. N pudova me se nfide a shi de plu adum a passe kisch luesch. Un seul ova segur for da s nplante kun kisch salvans.