Cumplettaziun dal Cudesch civil svizzer/2/societad collectiva
 |
Questo testo è da formattare. | |
| ◄ | 2 - societad simpla | 2 - societad commanditara | ► |
Las societads commerzialas e l’associaziun
Ventgaquatteravel titel: La societad collectiva
Emprim chapitel: Noziun e constituziun
Art. 552
1 La societad collectiva è ina societad, en la quala duas u pliras persunas natiralas s’uneschan sut ina firma communabla cun l’intent da far commerzi, da manar ina fabrica u da manar in’autra interpresa en furma commerziala, e quai senza restrenscher lur responsabladad vers ils crediturs da la societad.
2 Ils associads ston laschar inscriver la societad en il register da commerzi.
Art. 553
Sch’ina tala societad maina ina interpresa en furma betg commerziala, exista ella sco societad collectiva pir a partir dal mument ch’ella sa lascha inscriver en il register da commerzi.
Art. 554 236
La societad sto vegnir inscritta en il register da commerzi da quel lieu, nua ch’ella ha sia sedia. 235 Versiun tenor la LF dals 18 da december 1936, en vigur dapi il 1. da fanadur 1937 (CULF 53 185; Fegl uffizial federal 1928 I 205, 1932 I 217); vesair las disposiziuns finalas e transitoricas dals titels XXIV–XXXIII a la fin dal DO 236 Versiun tenor la cifra I 3 da la LF dals 23 da december 2011 (dretg da rendaquint), en vigur dapi il 1. da schaner 2013 (CULF 2012 6679; Fegl uffizial federal 2008 1589) IV. Responsabladad vers terzas persunas A. Societad commerziala B. Societad betg commerziala C. Inscripziun en il register da commerzi I. Lieu Dretg d’obligaziuns 204 220
Art. 555
En il register da commerzi pon vegnir inscrittas mo talas disposiziuns davart la represchentanza da la societad, las qualas restrenschan la represchentanza ad in u a singuls associads ubain ad in associà en cuminanza cun auters associads u en cuminanza cun procurists.
Art. 556
1 L’annunzia dals fatgs che ston vegnir inscrits u l’annunzia da lur midada sto vegnir suttascritta persunalmain da tut ils associads tar l’uffizi dal register da commerzi u vegnir inoltrada en scrit cun suttascripziuns legalisadas.
2 Ils associads che duain represchentar la societad han da dar persunalmain la suttascripziun da la firma e lur atgna suttascripziun tar l’uffizi dal register da commerzi u d’inoltrar las suttascripziuns en furma legalisada.
Segund chapitel: Relaziun dals associads tranter sai
Art. 557
1 La relaziun giuridica dals associads tranter sai è determinada en emprima lingia tras il contract da societad.
2 Sch’il contract na dispona betg autramain, vegnan applitgadas las prescripziuns davart la societad simpla, cun resalva da las divergenzas che resultan tras las suandantas disposiziuns.
Art. 558
1 Per mintga onn da gestiun sto – sin basa dal quint annual – vegnir eruì il gudogn u la perdita e vegnir calculada la quota da mintga associà.238
2 A mintga associà dastgan vegnir bunifitgads ils tschains per sia quota da chapital tenor il contract, er sche questa quota è sa reducida tras la perdita da l’onn da gestiun. Sch’il contract na dispona betg autramain, importa il tschains 4 pertschient.
3 Eruind il gudogn e la perdita vegn in onurari, ch’è fixà contractualmain per la lavur d’in associà, tractà sco debit da la societad. 237 Versiun tenor la cifra I 3 da la LF dals 23 da december 2011 (dretg da rendaquint), en vigur dapi il 1. da schaner 2013 (CULF 2012 6679; Fegl uffizial federal 2008 1589) 238 Versiun tenor la cifra I 3 da la LF dals 23 da december 2011 (dretg da rendaquint), en vigur dapi il 1. da schaner 2013 (CULF 2012 6679; Fegl uffizial federal 2008 1589) II. Represchentanza III. Pretensiuns formalas A. Libertad contractuala, renviament a la societad simpla B. Rendaquint 237Lescha federala davart la cumplettaziun dal Cudesch civil svizzer 205 220
Art. 559
1 Mintga associà ha il dretg da prender or da la cassa da la societad il gudogn, ils tschains ed ils onuraris da l’onn da gestiun scadì.
2 Sch’il contract prevesa quai, dastgan ils tschains ed ils onuraris vegnir retratgs gia durant l’onn da gestiun, ils gudogns percunter pir suenter l’approvaziun dal rapport da gestiun.239
3 Ils gudogns, ils tschains ed ils onuraris ch’in associà na retira betg, vegnan agiuntads a sia quota da chapital suenter l’approvaziun dal rapport da gestiun, nun ch’in auter associà fetschia objecziuns cunter quai.240
Art. 560
1 Sche la quota da chapital è vegnida reducida tras perditas, mantegna l’associà ses dretg da retrair ils onuraris ed ils tschains che ston vegnir calculads sin basa da la quota da chapital reducida; ina quota dal gudogn dastga dentant pir puspè vegnir pajada, cur che la reducziun ch’è resultada tras la perdita, è gulivada. 2 Ils associads n’èn betg obligads da pajar apports pli auts che quai ch’il contract prevesa, ubain da cumplettar lur apports, sche quels èn sa reducids tras la perdita.
Art. 561
Senza il consentiment dals ulteriurs associads na dastga in associà – en la branscha da la societad – ni far fatschentas per agen quint u per quint da terzas persunas ni sa participar ad in’autra interpresa sco associà cun responsabladad illimitada, sco commanditari u sco commember d’ina societad cun responsabladad limitada.
Terz chapitel: Relaziun da la societad vers terzas persunas
Art. 562
Sut ses num po la societad acquistar dretgs e surpigliar obligaziuns, purtar plant e vegnir accusada davant dretgira.
Art. 563
239 Versiun tenor la cifra I 3 da la LF dals 23 da december 2011 (dretg da rendaquint), en vigur dapi il 1. da schaner 2013 (CULF 2012 6679; Fegl uffizial federal 2008 1589) 240 Versiun tenor la cifra I 3 da la LF dals 23 da december 2011 (dretg da rendaquint), en vigur dapi il 1. da schaner 2013 (CULF 2012 6679; Fegl uffizial federal 2008 1589) C. Dretg sin il gudogn, sin ils tschains e sin ils onuraris D. Perditas E. Scumond da concurrenza A. En general B. Represchentanza I. PrincipDretg d’obligaziuns 206 220 Sch’il register da commerzi na cuntegna naginas inscripziuns cuntrarias, han terzas persunas da buna fai il dretg da supponer che mintga singul associà saja autorisà da represchentar la societad.
Art. 564
1 Ils associads ch’èn autorisads da represchentar la societad han il dretg da far en num da la societad tut ils acts giuridics che pon vegnir cumpigliads da l’intent da la societad.
2 Clausulas che limitassan l’extensiun da l’autorisaziun da represchentanza n’han nagin effect vers terzas persunas da buna fai.
Art. 565
1 L’autorisaziun da represchentanza po vegnir retratga d’in associà per motivs impurtants.
2 Sin dumonda d’in associà che fa valair vardaivlamain tals motivs po il derschader retrair provisoricamain l’autorisaziun da represchentanza, sch’in privel smanatscha. Questa disposiziun giudiziala sto vegnir inscritta en il register da commerzi.
Art. 566
Igl è pussaivel da dar la procura e da conceder in mandat commerzial per manar l’entira interpresa mo cun il consentiment da tut ils associads ch’èn autorisads da represchentar la societad, ma mintgin dad els po revocar efficaziamain la procura u in mandat commerzial visavi terzas persunas.
Art. 567
1 La societad acquista dretgs e surpiglia obligaziuns tras ils acts giuridics che vegnan concludids en ses num tras in associà ch’è autorisà da represchentar la societad.
2 I basta che l’intenziun d’agir per la societad resultia tras las circumstanzas.
3 La societad è responsabla per il donn che resulta tras acts illegals ch’in associà commetta, exequind sias fatschentas.
Art. 568
1 Ils associads stattan buns solidaricamain e cun tut lur facultad per tut las obligaziuns da la societad.
2 Ina cunvegna cuntraria tranter ils associads n’ha nagin effect vers terzas persunas. II. Extensiun III. Retratga IV. Procura e mandat commerzial V. Acts giuridics e responsabladad per acts illegals C. Posiziun dals crediturs da la societad I. Responsabladad dals associads Lescha federala davart la cumplettaziun dal Cudesch civil svizzer 207 220
3 Il singul associà po dentant, er suenter sia extrada da la societad, vegnir accusà persunalmain per debits da la societad pir, sch’el sez ha fatg concurs, sche la societad è vegnida dissolvida u sche la societad è vegnida stumada senza success. La responsabladad da l’associà sin basa d’ina garanzia solidarica ch’è vegnida surpigliada a favur da la societad resta resalvada.
Art. 569
1 Tgi che sa participescha ad ina societad collectiva, è responsabel solidaricamain cun ils ulteriurs associads sco er cun sia entira facultad er per las obligaziuns da la societad ch’existivan gia avant sia participaziun. 2 Ina cunvegna cuntraria tranter ils associads n’ha nagin effect vers terzas persunas.
Art. 570
1 Ils crediturs da la societad han il dretg da vegnir cuntentads or da la facultad da la societad, cun exclusiun dals crediturs privats dals singuls associads.
2 Ils associads na pon betg sa participar al concurs sco crediturs per far valair lur apports da chapital e lur tschains currents, bain dentant per far valair lur pretensiuns sin ils tschains scadids, sin ils onuraris u sin las expensas fatgas en l’interess da la societad.
Art. 571
1 Il concurs da la societad n’ha chaschuna betg il concurs dals singuls associads.
2 Medemamain na chaschuna il concurs d’in associà betg il concurs da la societad.
3 En cas d’in concurs dal singul associà sa drizzan ils dretgs dals crediturs da la societad tenor las prescripziuns da la Lescha federala dals 11 d’avrigl 1889241 davart scussiun e concurs.
Art. 572
1 Ils crediturs privats d’ina associà n’han betg il dretg da recurrer a la facultad da la societad per survegnir pajaments u garanzias. 2 En l’execuziun sfurzada han els mo il dretg sin ils tschains, sin ils onuraris, sin il gudogn e sin las quotas da liquidaziun che tutgan al debitur sin basa dal contract da societad. 241 CS 281.1 II. Responsabladad da novs associads III. Concurs da la societad IV. Concurs da la societad e dals associads D. Posiziun dal creditur privat d’in associà Dretg d’obligaziuns 208 220
Art. 573
1 Il debitur da la societad na po betg cumpensar ina pretensiun da la societad cun ina pretensiun ch’el ha cunter in singul associà.
2 Medemamain na po in associà betg cumpensar ina pretensiun da ses creditur cun ina pretensiun che ses creditur debitescha a la societad.
3 Sch’in creditur da la societad è percunter a medem temp debitur privat d’in associà, è admessa la cumpensaziun tant a favur dal creditur da la societad sco er a favur da l’associà, uschespert che l’associà po vegnir accusà persunalmain per in debit da la societad. Quart chapitel: Dissoluziun da la societad ed extrada dals associads
Art. 574
1 La societad vegn dissolvida tras la decleraziun dal concurs. Per la dissoluziun valan dal rest las disposiziuns davart la societad simpla, nun ch’i resultia insatge auter tras las prescripziuns da quest titel.
2 Ils associads han d’annunziar la dissoluziun a l’uffizi dal register da commerzi, cun excepziun dal cas da concurs.
3 Sch’igl è vegnì fatg in plant sin dissoluziun da la societad, po il derschader ordinar mesiras preventivas sin dumonda d’ina partida.
Art. 575
1 Sch’in associà ha fatg concurs, po l’administraziun dal concurs – observond in termin da desditga d’almain 6 mais – pretender che la societad vegnia dissolvida, e quai er sche la societad è vegnida fundada per in temp limità.
2 Il medem dretg ha il creditur d’in associà, sche quest creditur ha impegnà la quota da liquidaziun da l’associà. 3 Uschè ditg che la dissoluziun n’è betg inscritta en il register da commerzi, pon la societad u ils ulteriurs associads dentant evitar l’effect d’ina tala desditga cun cuntentar la massa da concurs u il creditur stumant.
Art. 576
Sch’ils associads èn sa cunvegnids avant la dissoluziun da cuntinuar cun la societad malgrà l’extrada d’in u da plirs associads, finescha la societad mo per ils extrants; dal rest exista ella vinavant cun tut ils dretgs e cun tut las obligaziuns da fin ussa. E. Cumpensaziun A. En general B. Desditga tras ils crediturs d’in associà C. Extrada d’associads I. Cunvegna Lescha federala davart la cumplettaziun dal Cudesch civil svizzer 209 220
Art. 577
Sche la dissoluziun da la societad pudess vegnir pretendida per motivs impurtants e sche quests motivs sa chattan en emprima lingia en la persuna d’in u da plirs associads, po il derschader pronunziar lur exclusiun, ordinond che lur quotas vi da la facultad da la societad vegnian pajadas or, premess che tut ils ulteriurs associads pretendian quai.
Art. 578
Sch’in associà fa concurs u sch’in da ses crediturs, che ha impegnà sia quota da liquidaziun, pretenda che la societad vegnia dissolvida, pon ils ulteriurs associads l’excluder da la societad e pajar or sia quota vi da la facultad da la societad.
Art. 579
1 Sche la societad sa cumpona mo da dus associads, po quel che n’ha chaschunà nagins motivs per dissolver la societad, cuntinuar cun la fatschenta sut las medemas premissas e pajar or a l’auter associà sia quota vi da la facultad da la societad.
2 Il derschader po disponer il medem, sche la dissoluziun vegn pretendida per in motiv che sa chatta en emprima lingia en la persuna dad in dals associads.
Art. 580
1 L’import che tutga a l’associà extrant vegn fixà en ina cunvegna.
2 Sch’il contract da societad na cuntegna naginas disposiziuns correspundentas e sche las partidas na vegnan betg da sa cunvegnir, fixescha il derschader l’import, resguardond la situaziun finanziala da la societad il mument da l’extrada ed in’eventuala culpa da l’associà extrant.
Art. 581
L’extrada d’in associà sco er la cuntinuaziun da la fatschenta tras in associà ston vegnir inscrittas en il register da commerzi. Tschintgavel chapitel: Liquidaziun
Art. 582
Suenter la dissoluziun da la societad ha lieu sia liquidaziun tenor las suandantas prescripziuns, nun ch’ils associads hajan fixà in’autra regulaziun per far la repartiziun u nun che la societad haja fatg concurs. II. Exclusiun tras il derschader III. Exclusiun tras ils ulteriurs associads IV. En cas da dus associads V. Fixaziun da l’import VI. Inscripziun A. PrincipDretg d’obligaziuns 210 220 Art. 583
1 La liquidaziun vegn fatga dals associads ch’èn autorisads da represchentar la societad, uschenavant ch’i n’existan nagins impediments en lur persuna ed uschenavant ch’ils associads na sa cunvegnan betg da designar auters liquidaturs.
2 Sin dumonda d’in associà e per motivs impurtants po il derschader revocar ils liquidaturs e numnar auters.
3 Ils liquidaturs ston vegnir inscrits en il register da commerzi, e quai er sche lur designaziun na mida betg la represchentanza existenta da la societad.
Art. 584
Ils ertavels d’in associà han da designar in represchentant communabel per la liquidaziun.
Art. 585
1 Ils liquidaturs ston terminar las fatschentas currentas, ademplir las obligaziuns da la societad dissolvida, incassar las pretensiuns e – sche quai è necessari per far la repartiziun – vender la facultad da la societad.
2 Els ston represchentar la societad en ils acts giuridics che tutgan tar la liquidaziun e pon far process, enclegientschas e contracts da cumpromiss e – sche quai è necessari per la liquidaziun – far novas fatschentas per la societad.
3 Sch’in associà s’oppona cunter ina vendita en bloc ch’è vegnida concludida dals liquidaturs, cunter la refusa d’ina tala vendita u cunter ina tscherta moda e maniera d’alienar bains immobigliars, decida il derschader sin dumonda da quest associà.
4 La societad è responsabla per il donn che resulta tras acts illegals ch’in liquidatur commetta, exequind sias fatschentas.
Art. 586
1 Ils daners e las valurs ch’i na dovra betg durant la liquidaziun vegnan repartids provisoricamain tranter ils associads a quint da la quota da liquidaziun definitiva. 2 Per cuvrir obligaziuns dispitaivlas u obligaziuns che n’èn betg anc da pajar, ston vegnir retegnids ils meds necessaris. B. Liquidaturs C. Represchentanza d’ertavels D. Dretgs ed obligaziuns dals liquidaturs E. Repartiziun provisorica Lescha federala davart la cumplettaziun dal Cudesch civil svizzer 211 220
Art. 587
1 Al cumenzament da la liquidaziun han ils liquidaturs da far ina bilantscha.
2 En cas ch’ina liquidaziun dura pli ditg, sto vegnir fatga mintga onn ina bilantscha intermediara.
Art. 588 1 La facultad che resta suenter l’amortisaziun dals debits vegn duvrada l’emprim per restituir il chapital als associads ed alura per pajar ils tschains per la durada da la liquidaziun.
2 In surpli sto vegnir repartì tranter ils associads tenor las prescripziuns davart la participaziun al gudogn.
Art. 589
Cur che la liquidaziun è finida, han ils liquidaturs da procurar che la firma vegnia stizzada en il register da commerzi.
Art. 590
1 Durant 10 onns suenter che la firma è vegnida stizzada en il register da commerzi vegnan ils cudeschs ed ils documents da la societad dissolvida conservads en in lieu che vegn designà dals associads u – sche quels na vegnan betg da sa cunvegnir – en in lieu che vegn designà da l’uffizi dal register da commerzi.
2 Ils associads sco er lur ertavels mantegnan il dretg da prender invista dals cudeschs e dals documents.
Sisavel chapitel: Surannaziun
Art. 591
1 Las pretensiuns dals crediturs da la societad cunter in associà per obligaziuns da la societad suranneschan entaifer 5 onns, suenter che sia extrada u suenter che la dissoluziun da la societad è vegnida publitgada en il Fegl uffizial svizzer da commerzi, nun ch’i valia in termin da surannaziun pli curt pervia da la natira da la pretensiun.
2 Sche la pretensiun sto vegnir pajada pir suenter questa publicaziun, cumenza la surannaziun il mument che la pretensiun sto vegnir pajada.
3 Questa surannaziun na vegn betg applitgada per pretensiuns dals associads tranter sai. F. Regulaziun dals quints I. Bilantscha II. Restituziun dal chapital e repartiziun dal surpli G. Extincziun en il register da commerzi H. Conservaziun dals cudeschs e dals documents A. Object e termin Dretg d’obligaziuns 212 220
Art. 592
1 La surannaziun da 5 onns na po betg vegnir fatga valair cunter il creditur che vul vegnir cuntentà sulettamain or da la facultad da la societad che n’è betg repartida.
2 Sch’in associà surpiglia la fatschenta cun las activas e cun las passivas, na po el betg far valair la surannaziun da 5 onns cunter ils crediturs. Per ils associads extrads vegn il termin da 5 onns percunter remplazzà tras il termin da 2 onns tenor ils princips da la surpigliada da debits; il medem vala, sch’ina terza persuna surpiglia la fatschenta cun las activas e cun las passivas.
Art. 593
L’interrupziun da la surannaziun cunter la societad ch’exista vinavant u cunter in auter associà na po betg interrumper la surannaziun cunter in associà extrà.