Canzun de soing Placi, e soing Sigisbert
[p. 66] Canzun de soing Placi, e soing Sigisbert.
<poem>
Ei glei in liug de vegl ennau,
Enten la Ligia sura:
Mustêr è Disentis nomnau,
Stateivel ounc quell' ura.
5 De pli che milli ons ennau,
Ina Caplutta ei stada:
De nossa chara Donna lau,
Tràs soing Zipert schentada.
Bià Soingiadat vegn lau hondrau,
10 Sco grond, è niebel Scazzi:
Lur soings Patruns ruaussen lau,
Soing Sigisbert, Soing Placi.
Gl' emprim Avat soing Sigisbert,
En quella Claustra steva:
15 [p. 67] Il Vorden de soing Benedetg,
…
Tràs el cau encieveva.
De niebladat ei el naschius,
Ord Schottland el vegneva,
El ei daventaus Religius,
20 E soingiameing viveva.
El salva vera Paupredat,
La Carn el bein survencia:
Siu viver ei Purschalladat,
A Diu far obediencia.
25 El dat si per amur de Dieus,
Bab, Mumma, Frars, è Sora:
La niebla Casa, Rauba, Praus,
Als Paupers part' el ora.
Soing Gallus, è soing Columban,
30 Agli fan Compagnia,
Tràs la Tiarra Tudesca van,
Sin Roma ei lur via.
Il Papa dat de predegar,
[p. 68] Vertit cun pleina fuorma:
35 A tuts tier quals el vegn rivar,
Cur ch' el da Roma tuorna.
Il Papa soing Gregorius,
Soing Sigisbert termetta:
Enten quei ruch desiert tier nus,
40 Per nies salit perpeten.
El dat er' à soing Sigisbert,
La Gniffla sularada:
Cun quella el en quei desiert,
Hà faig Messa cantada.
45 Ei salven si ounc oz el gi,
Quei grond, è niebel Scazzi:
A tgi che vult sche mussen ei,
Cul Piez dil bien soing Placi.
Soing Sigisbert dal Papa mess,
50 Tier nus vegn tràs Vrsera:
Murt fom, è seit cau viv' el vess:
Ferdalgia endir el era.
[p. 69] Per siù survient ha Deus quittau,
Termett agli vivonda:
55 Dal Ciel han Aungels Paun portau,
Fient tgei ch' el damonda.
Avont ch' el sei tier nus vegnùs,
Sco nos vegls bia restaven:
Han ei ounc cau fauls Dieus teniù,
60 Wauld Asens adoraven.
Entuorn sis cient quatordisch ons,
Suenter Christi Naschiencia:
Hà soing Zipert nos perdavons,
Mussau la vera Cardiencia.
65 Il qual schi bauld ch' el ei rivaus,
Tier quella paganiglia:
Hà el liberau de tuts puccaus,
E tutta viarmaniglia.
Gl' imprim fritg ch' el hà survegniù
70 Del siu mussar è Priedi:
Ei stau soing Placi viults tier Diu,
Sc' in malsaun tràs siu miedi.
[p. 70] Quel era vivont in Signur,
De gronda, è niebla mionza:
75 Agli fievan tuts honur,
Murt sia buna manonza.
Shi bauld che quei numnau Signur
Hà giù la vera Cardiencia:
A soing Zipert sia Mussadur,
80 Ha el faig suotiencia.
La sia rauba, praus, e tut,
Liberalmeing el schenghegia:
A soing Zipert; il qual cun tut,
La Claustra cau bagegia.
85 Lur' era cau in grond Tyraun,
Che Victor se nomnava:
Quel era pir ch' in Publican,
En mal el se fitgiava.
Tier quel termett Soing Sigisbert,
90 Siu char giuvnal, e niebel:
[p. 71] Ch' el volvi quei Vm mal perdert,
…
E grond ranveer tont triebel.
Soing Placi nuotta tementaus,
Giud sia tirannia:
95 Rign' el Tiraun murt sees puccaus
E gronda malgiustia.
Quei stausch agli Tiraun giu 'l' cor,
Pò buc zuppar la gritta:
Vult ver soing Placi lunsch sur Mar,
100 Ne prender agli la vita.
Tier quei han el ounc endridau,
Las femnas, e moronzas:
E sin soing Placi vilentau,
Suenter lur isonzas.
105 De lur' ennou enquir' el cò,
El quei Schuldau scavazi:
Sees serviturs termet' el òr,
Fient mazar soing Placi.
Ils serviturs fan quei bugient,
110 Ei cuorren prest suenter,
[p. 72] Sco stumentùs Liuns fient,
Che han la fom el Venter.
Ei ciaffen el, schent: Ti Poltrùn,
Tgei dovras ti possonza?
115 De stroffegiar nies bien Patrùn,
In Vm de buna manonza?
Ussa tei vein nus engartau,
Negin vegn tei nus prender:
Dai nou bein prest à nus tiu Tgiau,
120 En milli tocs lein fender.
Soing Placi per amur de Dieus,
Siu zart Culiez scuviera:
Per la iustîa paregiaus,
La mort vugient surfiera.
125 O Dieus, gi el: Perdun' à quels,
Lur fel, è gronda gritta:
Ch' ei han sin mei: Iau rog per els;
E dai ad els la vita.
Schẽt quei, hà el porschiu siu
tgiau,
130 Et hà reciert la frida:
[p. 73] Si' olma, havent negin puccau,
Cun gloria en Ciel ei ida.
Ils Aungels vegnen giù de Ciel,
Cun palmas, è cun crunas:
135 Che Christus ha termess tier el
Pagont las ovras bunas.
Tedlei pò tier, tgei iau vi gi
A vus ò char fideivels:
Siu Tgiau de Tiarra prend el si
140 E stat sin peis stateivels.
Vesent quei tut ils serviturs,
Prest fugien els navenda:
Tir il Tiraun cun bia schnavurs,
E resden quei cun temma.
145 Soing Placi quel va vinavond,
Siu Tgiau sin maun portava:
En leza via entupont,
Ina che pons lavava.
De quella el in piez rogont,
150 [p. 74] Hà mess siu tgiau si sura.
E fá viadi plinavont,
Valsent d' in miez quart ura.
Quei Piez han ei ounc oz el gi,
En Claustra von numnada:
155 La pli part de quei scazi bi,
Ounc uss' ei saunganada.
Tier quei hà el onc Deus hondrau,
Cur ch' el cul' tgiau vigneva,
Han tuts els sens de sez tuccau,
160 Che tut la gliaut vdeva.
Vdint il bien soing Sigisbert,
Tuccont els sens cun temma,
Hà el ladinameing zechiert,
Tgei munti quel' enzenna.
165 El và enconter val, e lau,
A siu giuvnal soing Plazi:
Soing Plazi dat agli siu tgiau,
Per in present, e scazi.
[p. 75] A soing Zipert van cauldameing,
…
170 Las larmas giu per vista:
Siu char giuvnal vont el vesent
Morir: ó caussa trista!
Soing Sigisbert cun pitradat,
Compogn' el en Baselgia:
175 Setiarra cun solemnitàt,
Vront sur fossa, el velgia.
Vesent il grond Tyraun fient,
Las caussas mervegliusas:
Hà el vogliu fugir navent,
180 Murt temmas stumentusas.
El po ch' untgir il stroff de Diu,
Volent fugir navenda,
Sur pont el auva dat el giù,
Sia olma il Giavel prenda.
185 Suenter quei che soing Zipert
Ha saterau soing Placi:
Vegn tut current en quei Desiert,
Per visitar quei scazi.
[p. 76] Tut, ping é gròds, Fürsts e
Prælats,
190 Survegnen grazias grondas:
Agit e bunas sanadats,
Suenter lur damondas.
Ei vegnen largs de malefiz,
Tràs sia gronda urbida:
195 Sanadat receiven zops e mits,
Survegnen ciocs vesida.
De lur' ennou soing Sigisbert,
A Diu flissi surveva:
Sco bialla flur en in bi Iert,
200 Cun Soingiadat floreva.
Entochen quella bialla flur,
Cun grond merit cargada:
Ei dada giù cun grond' honur,
Vegnida coronada.
205 Da questa vita vegn el clamaus,
En buna vegliadegna:
Tuts quels cun quals el en vita
ei staus,
Han gronda creschadegna.
[p. 77] Aschi ei quella clara glisch,
210 En quei Desiert stizada:
Perpetnameing ent il Paruis,
Vegn terlischar beada.
Suenter mort volet el scher,
Sper siu Giuvnal soing Placi:
215 Ch' el possi siu ruaus haveer,
Sper quei ton niebel scazi.
Tràs quei Deus ha faig daventar,
Che sco vivont sin tiarra
Els han teniù in gliauter char:
220 Els ina fossa siarra.
E sco ei een ensemblameing,
Stai nos Entruidaders:
Schi vegnen ei perpetnameing,
Noss esser Schermegiaders.
225 Quei mussa clar lur grond agit,
Che tut el Pievel senta:
[p. 78] Sco senza fin tras lur merit,
Onch oz el gi daventa.
Te legra pia ò Disentis,
230 Per in ton niebel scazi:
Il qual tei meina sin Paruis,
Soing Sigisbert, Soing Placi.
Hondreien quels fideivelmeing,
Cun vera confidonza:
235 Suondeien era prusameing,
Lur vita è lur manonza.
Sche vegnin nus ensemblameing,
Tras lur riug & urbida,
Esser beay perpetnameing:
240 Tier qual nus Iesus gida. —
Amen.
