Conte IX, zornade I dal "Decameron"
 |
Questo testo è completo. | |
In lingua furlana
Io dij adonchie, ch’al timp dal prim Re de Zippri, dopò l’acquist fat da Tiarre Scente da Gottifretti di Buglion, intravigni, chu une zintildonne di Guascogne zi in pilligrinazz al Sepulcri, e di là tornant, arrivade in Zippri, rizeve d’algun sceleraaz humign pur assai inzurijs e oltraz; diche dulintsi iee senze consolation alghune, pensà da haa à lamentaasi cul Re; ma ij fo dit, che fares la fadie di bant, parzeche lui iare d’anim tant vil, e si dapoch, che no solamentij no chiastijave iu tuarz che vigniiun fazz ad altris, ma sopportave cun grandissime viltaat ang cheij, chu vignijun faz ben spes a se midiesim; di tal sorte, ch’ognun, cha haveve qualchi travaj, e fastidi, lu sfogave cul faij qualchi oltraz, e vitupieri. La qual chiose intindint la donne, piardude la speranze di vendette, disegnaà par consolaasi in qualchi muut di rinfazaa al Re la sio miserie. E presentantsi devant lui cu lis lagrimis ai voij, e disè: Signor, io no ven alla too prisinze par domandaati vendette da i tuarz, chu mi son staaz faz, ma in luuch d’une tant iuste domande io ti preij, che tu m’insegnis ze muut chu tu suppuartis tantis inzurijs, chu (com’intint) ti vignin continuamentij fattis; azzoch’impari di te à sopportaa cun patientie lis mees, des quals, sel fos pussibil, vuluntijr ti fares un prisint, za che tu soos cussí patient, e cussí ben saas portaa ogni inzurie. Lu Re, lu qual fin a chel timp jare staat pegri, e lent, comenza a dismovinsi, e avint prime fat grant risintiment dall’oltraz, ch’a veve rizivut cheste zintildonne, deventà par l’avegnij severissim quintre dug cheij, che havertin ardiment d'uffindi l’onoor de soo Corone.