Compendio biblico in lingua genovese/Chì se contèm como lo segnor Dee disse a Ioxue che o menasse in terra de promissiom lo povo

Questo testo è completo.

Anonimo - Compendio biblico in lingua genovese (1465)

Chì se contèm como lo segnor Dee disse a Ioxue che o menasse in terra de promissiom lo povo

Informazioni sulla fonte del testo

◄

Chì se contèm como Moizes vi lo segnor Dee e ave le tore unde eram scripti li X comandamenti

Chì se contèm como li figij d'Issael nassèm de li XII figij che ave Iacob

►

[p. 29 modifica]

Chì se contèm como lo segnor Dee disse a Ioxue che o menasse in terra de promissiom lo povo.

M

oizes scripse um canticho e mostràlo a li figij d'Issael, e comandà e Ioxue figio de Cim che ello se devesse confortá e stá forte e fermo e lo nostro segnor Dee ge disse: "E vogo chi ti meñi questo povo in la terra che ge promissi, e ello sarà to gia". Or poa che Moizes ave lezuo tute le parolle de la leze davanti a lo povo, ello fe mete inseme tuti li comandamenti in um libero e fe fá una archa in la qua o misse le doe tore de la prea unde era scripta la leze e lo libero de lo testamento e una pignata che era piña de la mana, e se ihama quella archa lo libero de lo nostro segnor Dee.

Disse Moizes a lo povo: "E cognoso bem la vostra testa, che stagando con voi e stagando vivo senper con voi fosti contari a lo nostro segnor Dee e a li soi comandamenti, e maomenti voi sare^[sic] pu contrarei quando e sarò morto, unde acostaive tuti la magor de li tribu e tuti li meistri che e vogio invochar lo cel e la terra contra voi, persochè cognoso bem che depoí la mea morte voi farei ree overe e insirei tosto de la via che v'o mostrao, má ve verà lo tenpo deré quando voi averei faito má davanti la fassa de lo nostro segnor Dee e si sarei scregnij da ello per [p. 30 modifica]le vostre ree overe". Moizes fe la leze e lo canticho davanti tuto lo povo, e lo canticho incomenssa cossì: "Audi ociozo che parlo a letera, odi le parolle de la mea bocha, cressa como paga la mea dotrina, descora lo mé parlá como rozá, dai grandessa a lo nostro segnor Dee, le overe de Dee su preffete, tute le soe vie sum iuste". E quando Moizes ave conpio lo canticho e ameistrà de so li figij d'Issael, lo nostro segnor Dee disse a Moizes: "E l'e tenpo che ti te recogij a lo pastor e, inpersochè ti non m'onorasti a le aigoe de contradiciom, ti non menerai li figij d'Issael in terra de promisiom". Or morì Moizes e si restà Ioxue sorve lo povo, e non fo mai homo sorve la terra chi poisse trová la sepotura de Moizes, inpersochè lo nostro segnor Dee si lo sepelì in lo monte Tabor.