Compendio biblico in lingua genovese/Chì se contèm como lo Segnó preize XII de li soi desipori per andá in Ierusalem, e como per la via trovà lo sego e lo inluminà
Questo testo è completo. |
Chì se contèm como lo Segnó preize XII de li soi desipori per andá in Ierusalem, e como per la via trovà lo sego e lo inluminà.
Or nisum de li soi desipori non inteizem quelle parolle, e poa de so incomensà messé Ihu. Xe. a caminar con li soi disipori, e aprosimansem a una citae chi a nome Gericho, e trovann lì um sego chi stava lì per demandá limoxina a quelli chi passavam lì per quella via, e quando ello sentì lo grande mormoramento che fava la iente, e ello si demandà che cossa era so, e elli ge dissem ch'e l'era messé Ihu. Xe. nazareno chi pasava, e ello se levà in pé e incomenssà a criá in ata voxe quanto ello poè e disse: "O Ihu. Xe. figor de Davit, abi marse' de mi peccao!" Or quelli chi pasavam, si lo scriavam digando che ello non devesse criá, e ello se forsava e criava monto pu forte: "E digo a Ihu. Xe. figor de Davit: abi mizericordia de mi!" E lantora messé Ihu. Xe. comandà che ello ge fosse menao davanti quello chi criava, e elli si ge lo menàm, e, quando ello ge fo davanti, messé Ihu. Xe. ge disse: "Che voi-tu che fassa?" Respoze lo sego: "Fame vei". Disse messé Ihu. Xe.: "La toa fe si te fa vei". E incontenente lo sego fo inluminao e vi, e seguì messé Ihu. Xe. senper criando e loando lo so nome, e tuti quelli chi lo veivam, lo loavam con ello chi ge avea reiza la vista, e chi avea faito si grande mirachulo.