Compendio biblico in lingua genovese/Chì se contèm como, seando li trei re in oriente, vegando li segne' e le profecie, si deliberàm de vegní a orá lo nostro Segnor mesé Ihum. Xpe.
 |
Questo testo è completo. | |
Chì se contèm como, seando li trei re in oriente, vegando li segne' e le profecie, si deliberàm de vegní a orá lo nostro Segnor mesé Ihum. Xpe.
stava in lo frimamento de le atre stelle, avanti, a stava pu bassa cha tute le atre, e subitamenti elli goardàm in li lor liberi per vei se elli poissem trová la significhansa de quella stella, e trovàm che um so savio chi avea nome Balam, si ave' proffetizao in li soi diti, e dixea che devea nasse um re monto grande, e devea nasse de lo linago de Iacob, e, quando elli avem inteizo, non fon gueri contenti, ma e vossem mego savei la veritae de questo per le lor idolle, le que' idolle ge poivam dí la veritae in tre modi, segondo che le lor idolle eram constitue. Or la primera era unde orava tuto lo povo, l'atra era unde orava archuin maroti, soè quelli che le idolle favann amorotí[sic], che quando li demoi[sic] aveam possansa in lo homo per lo so peccao, si ge favam vegní quarche dolor, e la gente folla se creivam che le idolle poissem saná tute le infirmitae, anchora li grandi homi e pocenti, eciamdee li re, si tegnivam le idolle inter le lor camere, e quando e voream andá contra a li lor inimixi, e se consegavam con lor, e anchora quando e voreivam andá in quarche logo, e lo demonio chi era monte fie' inter le idolle, si ge dixeivam quarche cossa in responciom chi era semegeive a la veritae. Or quando li re avem inteizo la proffecia de Balam, si demandàm la significhancia de quella stella a le lor idole, e lo sprito maligno chi stava inter quelle idolle si respoze che e l'era nasuo um grande re a lo mondo, e sorve la terra, e quando li re avem inteizo so, si fon monto alegri e dissem che non porea esse che ello non fosse grande segnó agando mostra[sic] si grande segná in la soa nativite', e conseganse inseme che era bem che elli lo devessem andá a serchá, e cossì como elli eram grandi meistri in l'arte magicha e astrologia, chi è arte da cognosse le stelle, e per questo eram ihamai 'magi', persochè la stella era segnar de cel che sainto re devea esse quello chi era nao, e aparegàm li soi prezenti per fage onor, e preizem incenso, oro e mira, e tute queste cosse significham, l'incenso significha che ello era veraxe Dee, lo oro significha che ello era lo mao re chi fosse in lo mondo, la mira significha che ello era omo e si devea morí, e persochè la proffecia de Balam dixea che de lo linago de Iacob devea nase quello re, si como sainti si lo vegnem a serchá fin in Ierusalem, persochè quella citae era cavo de Iudea e de tuto lo linago de Iacob, e quando elli se missem sum lo camin, la stella ge andava senper avanti e li già senper, cossì como farea um homo chi ge mostrase la via.