Ciantia de Col de Lana
 |
Questo testo è da formattare. | |
Ciantia de Col de Lana
Sid vedl o stort
o jonn gaert,
ji junse düć
a pié le Lumbert;
al é gnü ri,
ó desfá Fodom,
arobé Ampëz
y mez chësc monn!
Cun döt al poch
ól gni le Talian
spo inće da nos
cun na gran fan.
Sc' al ó cuché
te nüsc confins,
arál da fa
cun nos Ladins!
Bel döt Fodom
de Lumberć bolësc,
ai vëgn döt spësc
y mai se finësc.
Mo nos te chi büsc
fajun bel plan,
bi düć ascognüs
col stlop a man!
Y can ch' ëi é prësc
düć sön som,
spo "punf" che döt
cogura jö te Fodom.
Ensciö fajunse
tan dî ch' ai vëgn
sid dé o nöt,
da nëi o tarëgn!
Lascéle splundrè
cun sü canuns,
val bot inće nos,
val colp ti duns'!
Y sce dé y nöt
al spöda füch
dal sënn ch' al á,
al se fej pa püch.
It sön chël col
stál a gni mat,
gnô sön duicater
con les grifes da iat.
Minâ de messëi
se früzé la sì,
mo gnü él tôsc
spo plü saurì!
Can ch' ëi é stüf,
spo poi s' an ji
cun döt so poch
jö por Ćiaurí!
Sc' ai á da score
chilò n debit,
l' unse bëgn paié
cun döt al fit!
Sc' ai ó robé,
ch' ëi vad altró;
de chël che é nost
n' ài val da se tó.
Te nosc paisc
sunse nos patruns;
ai Lumberć
negun ti n' en duns!