Chanzuns Popularas Ladinas/49
 |
Questo testo è incompleto. | |
| ◄ | 48 | 50 | ► |
Nr. 49.
1. Stè legras, mattans,
Verds sun uoss’ils plans,
Sagli e chantè,
Da cour s’allegrè.
2. Giand süllas cuttüras
E bellas verdüras,
Tscherchand bellas fluors
Da tauntas coluors.
3. D’inviern nun las vaivans
E nell’non podaivans
Ir oura nel vent,
Cha l’eira trid temp.
4. Ma vus las tscherchais,
Ma vus las chattais
Las bellas fluors
Da tuottas coluors.
5. Sun blovas, sun alvas,
Sun melnas, sun sgialvas,
Sun auncha da pü
Ed immincliadi.
6. And crescha da tauntas,
Chi sun bellas plauntas,
Las quelas cha nus
Con cour bramus
7. Rumpains per amur
D’la buna savur
E per la bellezza,
Cha nus in tschertezza
8. Ludains nos cher Dieu,
Cha nus vains podieu
Spetter quell’ura
Da gnir our dad our.
9. Nel liber rester
Pudains e chanter,
Ans allegrand,
Ed udir chantand
10. Utschels ed utschellas,
Cha nus tres aquellas
E tres lur clianter
Stuvains Dieu luder,
11. Chi ho passento
L’inviern e lascho
Darcho gnir la sted.
Per sia bunted.