Chanzuns Popularas Ladinas/32
 |
Questo testo è incompleto. | |
| ◄ | 31 | 33 | ► |
Nr. 32.
1. Pover me, sch’eau gniss scuvert
Da pleds, ch’eau dschet cul cour avert,
Schi sgiir cha ’m bastunessan.
Que ch’eau he dit, schi tuorn a dir:
Lur trat nun ais da compatir,
As vergogner stovessan.
2. L’ambiziun, superbg’e füm
In hoz sun gnidas in costüm
Intraunter giuventiina.
S-chettezz’in els, sincerited
Nu ’s chatta pü brich in vardet,
Ne secretezz’üngüna.
3. Traunter las giuvnas impostüt
La misfidenz’ais il prüm püt,
L’invilg’e maldicenza.
Faun snös e perdan il respet
A giuvens prus ed inandret
Con lur impertinenza.
4. In quista classa pero met,
Sco chi ’s po dir eir in effet,
Sulettamaing tschertünas;
Ma amiaivlas, da bun ster,
Cha ün nun hegia da ’s schener,
Nun sun daffat üngüuas.
5. Sch’ün fo cun ellas ün po d’spass,
L’incler nun saun inguott’affat
E sun dalung’offaisas.
In möd cha que nu ’s so cu fer,
Ne cu chi ’s hegia da tschantscher
Per nun drizzer contaisas.
6. Nun ais in somma pü dalet
Per püssas causas ed ogget
Dad ir in compagnia,
Staunt hoz in di tuot ho mlido
Da que chi eira pel passo;
Nu ’nd ais pii armonia.
7. Eau las trais cruschs vegn a complir,
Dimen’ais ura da finir
II treno giuvenile,
Cun fer güdizi e ’s reposer
E oter üs bod cumanzer
Della vigur virile.