Alchünas Rimas Romaunschas/Il bun minister
 |
Questo testo è stato riletto e controllato. | |
| ◄ | Las stailas | La mievletta e la mieletta | ► |
Il bun minister.
Inculcher las vardets del evangeli
Sainz'ostentaziun;
In ümilted fer vair ün nobel zeli
Per la religiun
5Tel’ais d'ün sacerdot la vaira mira
Sch'el sentimaints sincers e buns respira.
Amuraivlezza ais quella dottrina
Cha Dieu a nus ho do,
Tres Gesu Cristo, plain d’virtüt divina
10Il quel ans ho musso,
Con pleds e fats, la charited cristiauna
L'amur del proassem, del vair bön fontauna.
Tels sun ils celests früts da noassa cretta,
Sco disch la Bibgia cler —
15Las controversias ella non admetta
E neir dispretsch da fer
Da tels, ils quels chi quia as professan
Ad otra cretta sco non’s giavüschessan.
Predicatuors! ach pür as de fadia
20Per vaundscher tuots affets
Scha strettamaing vulais ’s unir in lia
Con quels nomnais „dillets“
Vus ot clamos! fe cha voassa favella
Saja da peesch, d’amur — bricha d’querella.
25E cha d’religiun penetros sajas
Vus chi in pulpit giais,
E cha voass dir vus fermamaing eir crajas
Rende a nus palais: —
Tres bun esaimpel e tres bandusezza
30Stante il pled da Dieu ais spür dutschezza.