Apri il menu principale

A mi bèl Colfòsc (grafia moderna)

ladino

Jan Batista Alton 1895 A A mi bèl Colfòsc (grafia moderna) Intestazione 27 aprile 2016 25% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
Nuvola apps bookcase.svg Questo testo fa parte della raccolta Stóries e chiánties ladines (grafia moderna)

XI. A mi bel Colfosch.

Bi crëp en alt, al bas beles planöres,
Mësores, Piz y Pisciadú y Crespëna,
Polüsc, Sassongher, düc cun mile figöres,
Te fej, oh bel Colfosch, corona plëna!

Tü ciamp, tü pra, tües beles gran pastöres,
Tües eghes tleres, mius co vin pro cëna,
Di bosć bi vërc les piceres ordöres
Di lüsc ladins fej te flu fin Mantëna.

De gragn y pici armënc la gran tlapada
Dá a jënt na spëisa bëgn lisiera y sana,
Da acort famëi cun cura pascentada;
La bona jënt, dʼ origin döt romana,
Al laur sfadius da pice sö bel ausada
Fej cun onur döt cez chʼ onur comana.