A mi bèl Colfòsc (grafia moderna)
 |
Questo testo è incompleto. | |
Questo testo fa parte della raccolta Stóries e chiánties ladines (grafia moderna)XI. A mi bel Colfosch.
Bi crëp en alt, al bas beles planöres,
Mësores, Piz y Pisciadú y Crespëna,
Polüsc, Sassongher, düc cun mile figöres,
Te fej, oh bel Colfosch, corona plëna!
Tü ciamp, tü pra, tües beles gran pastöres,
Tües eghes tleres, mius co vin pro cëna,
Di bosć bi vërc les piceres ordöres
Di lüsc ladins fej te flu fin Mantëna.
De gragn y pici armënc la gran tlapada
Dá a jënt na spëisa bëgn lisiera y sana,
Da acort famëi cun cura pascentada;
La bona jënt, dʼ origin döt romana,
Al laur sfadius da pice sö bel ausada
Fej cun onur döt cez chʼ onur comana.