'Na memma lungia nun voless
 |
Questo testo è completo, ma ancora da rileggere. | |
| ◄ | Meis iuvan cour ais conturblo | Nel chalender vain nomnà | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
17.
(Annalas XIV, Vital, p. 207/8.)
’Na memma lungia nun voless,
’Na memma lungia matta,
Cha cur ch’eau he da l’abbratscher,
Chi pera be ’na latta.
5 ’Na memma pitschna nun voless,
’Na memma memma pitschna,
Cha cur ch’eau he da l’abbratscher,
Chi per’ün puogn d’ ravitscha.
’Na memma grossa nun volless,
10 ’Na memma memma grossa,
Cha cur ch’eau he da l’abbratscher,
Am per’ün sach plain d’ossa.
’Na memma stiglia nun voless,
’Na memma memma stiglia,
15 Cha cur ch’eau he da l’abbratscher,
Chi pera ’na claviglia.
’Na memma trida nun voless,
’Na memma memma trida,
Cha cur ch’eau he da l’abbratscher
20 Chi pera be chi ’m sgrischa.
’Na memma bella nun voless,
’Na memma memma bella,
Cha cur ch’eau he dad ir davent,
Cha ’ls oters vaun tar ella.
25 ’Na mezdanetta ’vess gugent,
’Na bella mezdanetta,
Cha cur ch’eau he da l’abbratscher,
Chi pera chi ’m daletta.
b.
(Annalas VII, Derin p. 57/8.
Scha vus vezais meis Jon dret sü
Schi dschè ün pa ch’el vegna,
Sch’ l’ha cumanzà a far l’amur
Schi dschè ch’hel la mantegna.
5 Na memma granda non vuless,
Na memma, memma granda,
Cha cur ch’eu n’ha da la branclar
Schi par’ la üna liangia.
Na memma pitschna non vuless,
10 Na memma, memma pitschna,
Cha cur ch’eu n’ha da la branclar
Schi par’ l’ün puogn ravitscha
Na memma bella non vuless,
Na nemma, nemma bella
15 Cha cur ch’eu n’ha dad ir davent
Am lasch increscher d’ella.
Na memma trida non vuless,
Na memma, memma trida,
Cha cur ch’eu n’ha da la branclar
20 Am para ch’eu am sgrischa.
Ma menzolina eu vuless,
Üna menzolinetta
Cha cur ch’eu n’ha da la branclar
Schi para ch’eu ’m daletta!