'L petler
 |
Questo testo è da formattare. | |
'L petler.
'L pëtler.
Me tulës-pa pu Idie dal mont,
Pò ëss-i al manco pès̄ y ghenèda
Dò ches̄ viver plën de mesèria,
Je puera persona desfurtnèda:
Mustrëde pietá
De mi puvertá!
L' an̄ passà m' ie mort mi père,
L' oma n' è-i böl' giut no plu,
Parënč, cunèšënč, frèdes̄ o suráns
N' è-i mèi abù no cunešù.
Son dlonc udià,
Da duč schivà.
Muesse durmì suvënz ala lèrgia,
Per 'l plù drët stanc y plën de fam,
Zitràn da frëit y mèl furnì
Ëss-i pu al manco 'm pue' de pan!
'L vöster puer'
Fès̄ mèl al cuer.
Per la limòs̄ina, cësa per cësa,
Muess-i prië bölau me temàn;
Ve-l dis̄e, segúr, 'l ie burt y crudöl
A ḡi per la vita zitràn y bradlàn
Cie è-i-pa fa,
Puer' desfurtenà?
Š' Idie me lašës-pa pu murì,
Pò ëssa segúr mi dulëur na fin,
Pò n' ëss-i plu drë' de messëi patì
Y deventësse cuntënt de fin.
Che la devënte 'nši
Prô-i ugni dí.