Poesie milanesi/VI - Sonetti/14

by Carlo Porta

14

../13 ../15 IncludiIntestazione 27 dicembre 2020 25% Da definire

Questo testo è incompleto.

Carlo Porta - Poesie milanesi

14

◄

VI - Sonetti - 13

VI - Sonetti - 15

►

14. (-1815).

Scimes¹, pures, bordocch², centpee, tavan,
Camol³, mosch, pappatas, vesp, galavron,
Formigh, zanzar, scigád⁴, vermen, scorpion,
Consolèv che l’estaa l’è pocch lontan.

Pover bestiolitt! pover badan!⁵
Mordinn⁶, sciscenn⁷, secchenn⁸ che sii patron;
Caghenn in sui pitanz, in sul muson;
Cribbienn⁹ ( pagn¹⁰, i frutt, la carna, el gran.

Fee pur quell che ve pias, car bestiolitt,
Che el manch che possem fa per i vost meret
L’è quell de lassav scoeud tutti i petitt.

Insci magara ve vegniss a taj¹¹
D’andá a quarter d’inverna in del preterel
De chi loda l’estaa coi soeu regaj.

Note

1. Scimes: cimici.
2. bordocch: scarafaggi.
3. camol: tarme.
4. scigad: cicale.
5. badan: innocenti.
6. Mordinn: morsicateci.
7. sciscenn: succhiateci.
8. secchenn: seccateci.
9. Cribbienn: crivellateci,
10. pagn: gli abiti.
11. vegniss a taj: capitasse l’occasione propizia.