Poesie (Porta)/77 - PER EL MATRIMONI DELLA SURA VIOLANTINA PORTA COL SUR ANTONI LANDRIAN
 |
Questo testo è completo. | |
Carlo Porta - Poesie (XIX secolo)
77 - PER EL MATRIMONI DELLA SURA VIOLANTINA PORTA COL SUR ANTONI LANDRIAN
| ◄ | 76 - RISPOSTA A ONA LETTERA IN VERS D'ON AMIS AMMALLAA CONT ON BUGNON | 78 - Per soa desgrazia on orb l'eva ammalaa | ► |
PER EL MATRIMONI
DELLA SURA VIOLANTINA PORTA
COL SUR ANTONI LANDRIAN
Sonett accompagnatori
d’on servizzi de dessert
Per no lassav andà foeura de cà
senza nanch dav adree quaj testimoni
de quell che gh’hoo intenzion de vorè fa5
per trepudi del voster matrimoni,
ve mandi quatter piatt bon de drovà
per quand no vorii stà suj zerimoni:
hin giust per frutta, e serven a spiegà
che l’è per frutta che anca mì v’i doni.10
Oltra quest, quand voressev dà de ment
a l’uso che se fa de certi capp,
ponn serviv de auguri e compliment.
A tuttamanch però, perché hin s’giandos,
serviran tutt i voeult che vann in ciapp15
a fav dì per mè cunt: Eviva i spos!