Poesie (Porta)/61 - ALTRA FAVOLA PER I CAROCCIEE E FIACAREE
Questo testo è completo. |
Carlo Porta - Poesie (XIX secolo)
61 - ALTRA FAVOLA PER I CAROCCIEE E FIACAREE
◄ | 60 - ONA FAVOLA | 62 - A S.A.R. L'ARCIDUCHESSA BEATRICE RICCIARDA D'ESTE | ► |
ALTRA FAVOLA
PER I CAROCCIEE E FIACAREE
La giustizia de sto mond
la someja a quij ragner
ordii in longh, tessuu in redond,
che se troeuva in di tiner.
Dininguarda a mosch, moschitt5
che ghe barzega on poo arent;
purghen subet el delitt
malappenna ghe dan dent.
All’incontra i galavron
sbusen, passen senza dagn,10
e la gionta del scarpon
la ghe tocca tutta al ragn.
Fiacarista e vicciuritt
che vee foeura de manera,
innanz batt quij gambaritt15
pensee ai mosch e alla ragnera.