Pagina:Pasino Locatelli - Il Vangelo di S. Matteo volgarizzato in dialetto bergamasco.djvu/92

82

S. MATÉ

⁴³ Per quest mé ve dighe: A oter al sarà tölt ol regno del Siur, e ’l sarà dac a ü popol, che al ne prodüse fröc.

⁴⁴ E chi al borlarà sura sta preda, al se spetasarà: e chi la gh ’ borlarà ados, al sarà sfrantumat.

⁴⁵ E i prensep di saserdoc, e i Farisei al sentì ste parabole, i capia, che ’l parlaa de lur.

⁴⁶ E intat ch’i sircaa de metega i mà ados, a i ga it pura del popol: perchè lü al la consideraa come ü profeta.

Capo XXII.

E

GESÜ l’à turnat a parlà con lur col dorvà di parabole, disendo: 2 Ol regno di siei a l’è istes d’ü re, che l’à fac ol sposalese de sò fiöl.

³ Al mandé i sò servitur a ciamà i convidac per nose, e lur no i völia ’ndaga miga.

⁴ Al mandé turna di oter servitur, disendo: Disiga ai invidac: Ol past a l’è a l’urden,a s’à masat i böe i animai in grasa, e l’è töt pront: vegni ai nose.

⁵ Ma colur no badandoghe negot afac, vergü a i è’ndac a la sò campagna, e vergü al sò negose:

⁶ I oter po i à ciapat i sò servitur de lü,a i à tratac de ca, e i à copac.