 |
Questa pagina è stata trascritta e formattata, ma deve essere riletta. | |
| 16 | S. MATÉ |
42 Da a töc quei, ch’i ten sirca: e no oltega ol müso a colü, che al völ, che te gh’imprestet vergota.
43 I sentit, che al fü dec: Te völiré bé al tò prosem, e te odiaré ol to nemis.
44 Ma mé ve dighe: Amè i vos’c nemis,fè dol bé a colur, ch’i ve odia: e preghè per quei, ch’i ve perseguita, e i ve calünia:
45 Perchè sief fiöi del Pader vost, che ’l sta in siel: che al fa nas ol sul sura i bu e sura i catif: e’l manda l’eigua per i giös’c e per i bricù.
46 Perchè se amarà quei, che i ve ama, che premio gavrif? no fai tat d’oter a’i püblicà?
47 E se salidarà noma i vos’c fradei, cosa fef de piö di oter? no fai tat d’oter a’i pagà?
48 Sié doca voter perfec, com’a l’è perfet ol Pader vost, che al sta sö in siel.
Capo VI.
ARDÈ de no fà i voste opere bune in fasa ai omegn,
col intensiù de es ves’c de lur: perchè inalura no sarà ricompensac dal Pader vost, che ’l sta in siel.
2 Quanda doca te faré limosina, suna miga la tromba
