Pagina:Pasino Locatelli - Il Vangelo di S. Matteo volgarizzato in dialetto bergamasco.djvu/14

4

S. MATÉ.

CAPO II.

Q

UANDO doca l’era nasit Gesü in Betlem de Giüda nel tep, che ’l regnaa ol re Erode, i Maghi i riaa da l’orient a Gerüsalem.

² I disia: Do’ èl nasit ol re di Giüdei? perchè noter a m’à ést la stela nel orient, e ’m sè vegnic per adoral.

³ Al sentì sta roba ol re Erode, al s’è contürbat, e insema a lü töta Gerüsalem.

⁴ E regondic töc i pröm saserdoc, e i dotur del popol, al ghe domandé, in che löch al does nas Cresto.

⁵ Ma lur i gh’à respondit: A Betlem de Giüda: perchè icsé l’à screc ol profeta:

⁶ E té Betlem pais de Giüda, no te sé la piö picola tra i capi de Giüda: perchè de té al vegnirà föra quel, che ’l goernarà Israel, ol mé popol.

⁷ Alura Erode al ciamaa de nascondù i Remage, e ’l s’informaa in töt e per töt da lur, in che tep al ghe fös comparit la stela.

⁸ A gli à mandà a Betlem, disendoghe: Andè, e sirchè precise nöe de sto s’cet: e quanda l’avrà troat, femel saì, perchè a’ mé vaghe a adoral.

⁹ Colur, scoltade i parole del re, i è partic. E inalura