 |
Questa pagina è stata trascritta e formattata, ma deve essere riletta. | |
| CAPO XXIV. | 91 |
Capo XXIV.
GESÜ al vegnia fora del tempio, e l’indaa vea. Quanda i gh’è ’ndac visì i sò disepoi, per faga oservà la fabrica del tempio.
2 Ma lü l’à scomensat a dì: Vediv voter töte ste robe? Mé ve dighe sensa schers, che no gh ’ restarà piö öna preda sura ön ’ otra preda, che no la sees scompaginada.
3 E intat che lü a l’era sentat zo söl mut di olie, i sò disepoi de nascondù a i gh’è ’ndac apröf, e i gh’à dec: Dim, quanda i süsederà ste robe? e qual saral ol segnal che té te egneré, e quel de la fi del mond?
4 E Gesü a l’à respondit, e’l gh’à dec a lur: Vardė, che vergü no i v'embroje;
5 Perchè an ne egnirà tance sota ol mé nom, e i digherà: Mé a so ol Crest: e i tirerà sota tanta zet.
6 Perchè a sentirì parlà de guere, e de us de guere. Vardé de no spaentaf. Perché ste robe a i à de süsed, ma a l’è miga chét öt.
7 Perchè popol contra popol, regno contra regno a i se solearà, e’l ghe sarà di pes’c, di carestee, di teramoc de ché e de là.
