 |
Questa pagina è stata trascritta e formattata, ma deve essere riletta. | |
| 48 |
AZIONE SECONDA.
Dorilla e Niso.
Sta to semplicità.
Niso. Mo via, Dorilla,
Vame a cata1 dei vermi in tel paluo,
Pesta dei granzi, e fa della pastella;
Gh’ò voggia in sta zornada
De far una bellissima pescada.
Dorilla. Cossa me donerastu?
Niso. Ti è parona
De tutto quel che chiappo.
Te piase i paganelli2?
Te piase i go3 da latte?
I bottoli4 da bon, o pur le cappe5,
Frutti de sto paltan6?
Dorilla. Tutto riceverò dalle to man.
Ma dime, caro coccolo7,
Ti ha da esser sta sera mio mario,
E gnanca ti me vardi? In sta maniera
Ti tratti chi per ti sbasisce8 e muor?
Niso. Mo coss’oggio da far?
Dorilla. Farme l’amor.
Niso. Ma no sastu che mi no me ne intendo?
Inségneme, Dorilla,
Cossa che xe st’intrigo.
Dorilla. Via, te l’insegnerò. Fa quel che digo:
Vòltete in qua; vàrdeme fissa in viso:
Storzi un pochetto el collo.
- ↑ Va a trovarmi.
- ↑ Pesci di mare: v. Boerio.
- ↑ Altra varietà di pesci: let. gobius. V. Patriarchi e Boerio.
- ↑ Piccoli cefali: Boerio.
- ↑ Vedi pagina precedente.
- ↑ Pantano, fango delle lagune.
- ↑ Si dice per vezzo, ai bambini e all’amante. Coccolar, carezzare. V. Patriarchi e Boerio.
- ↑ Da sbasir, basire, struggersi, morir di desiderio: v. Boerio.
