Pagina:Goldoni - Opere complete, Venezia 1915, XX.djvu/37

LE BARUFFE CHIOZZOTTE

29

Lucietta. Fradelo! (a Toni)

Toni. Bondì, Lucietta.

Lucietta. Bondì, Beppe.

Beppo. Stastu ben, sorela?

Lucietta. Mi sì. E ti?

Beppo. Ben, ben. E vu, cugnà, steu ben?

Pasqua. Sì, fio. Avè fatto bon viazo? (a Toni)

Toni. Cossa parleu de viazo? Co semo in terra, no se recordemo più de quel che s’ha passao in mare. Co se pesca^a, se fa bon viazo, e co se chiappa ^b, no se ghe pensa a rischiar la vita. Avemo portà del pesse, e semo aliegri, e semo tutti contenti.

Pasqua. Via, via, manco mal. Seu stai in porto?

Toni. Sì ben, semo stai a Senegaggia^c.

Lucietta. Oe, m’aveu portà gnente?

Toni. Sì, t’ho porta do^d pera de calze sguarde^e e un fazzoletto da collo.

Lucietta. Oh! caro el mio caro fradelo; el me voi ben mio fradelo.

Pasqua. E a mi, sior, m’aveu porta gnente?

Toni. Anca a vu v’ho portao da farve un cottolo e una vestina^f.

Pasqua. De cossa?

Toni. Vedere.

Pasqua. Mo de cossa?

Toni. Vedere, ve digo, vedere.

Lucietta. E ti, m’astu portà gnente? (a Beppo)

Beppo. Vara chiòe¹! Cossa vustu che mi te porte? Mi ho compra l’anelo per la mia novizza ^g

Lucietta. Xelo bello?

Beppo. Velo qua eh! Varda^h. (le mostra l’anello)

Lucietta. Oh co bello che el xe! Per culìa ⁱ sto anelo?

Beppo. Per cossa mo ghe distu culìa?

1. Qui intende, quando si trova molto pesce.
2. Quando risplende.
3. Sinigaglia.
4. Due.
5. Rosse.
6. Una gonnella e un giubboncino.
7. Per la mia sposa.
8. Guarda.
9. Colei.

1. In luogo di ciò eh.