 |
Questa pagina è ancora da trascrivere o è incompleta. | |
168 Landwirtschaftsregeln
66. Gieraun giuven, risdiv vegl.
67. Sointga Frena va cun la marenda e vegn cun siat venters.
68. Macort' aura Sontga Frena, pur sega ad in segar e raschla, cu ti sas.
69. Sontga Frena va cul caz de veschlas e vegn culla canastra de truffels.
70. Sontga Frena! Seigies avon miezdi spellada e suenter miezdi bein
ornada.
71. Bialla Frena, bi atun.
Pescha Frena, pescha atun.
72. Fa Sontga Frena pesch en la camischa, sche dat ei in bletsch atun.
73. Bialla aura sontg Michel, dat in bien onn de mel.
74. Sontg Mathiu pren il tiu, schiglioc vegnas ti per il tiu.
75. Dat la feglia giu baul, va ei gleiti cul caul.
76. Vul ei bucca dar giu la feglia, sche dat ei bia vermaneglia.
77. Cura che la feglia va tard, sche vegn ella baul.
78. Fan las miurs igniv sisum la talina, sche fa ei ruch gl' emprem univiern;
Fan ellas giudem, sche dat ei ina rucha primavera.
79. Fan ils schnecs baul uviercal, vegn ei baul unviern.
80. Cura che la crappa dil Rhein ei gl' atun nera, suond' ei ina bletscha stad.
81. Sco l' aura fa gl' atun, fa ella la primavera.
82. Neiva ei carschen Sontg Gagl tochen Rhein,
Sche ha gl' unviern fatg pulein.
83. Cu la carschen Sogn Gagl enveia toca Rhein,
Sche ha gl' unviern fatg pulein.
84. Treis bischas entoca Rhein,
Ha gl' unviern fatg pulein.
85. Neiva ei gl' emprem sin tiarra schelada,
Dat ei ina recha engarnada.
86. Renta l' emprema neiv vid il terratsch,
Sch' eis ei bucca de temer per las lavinas.
87. Gronda nevada, recha fenada.
88. Gronds cuflaus, gronds canvaus.
89. Sogn Vintschegn schetg; mintga crest siu fretg.
90. Cambrida las quater tempras de Nadal dat dariet pumma.
91. Sogn Lezi semetta gl' unviern el sessel, Nadal sin pegna, Pastgas sin
gassa.
92. Stgir Nadal notg, stgir en clavau.
93. Sco igl ei steliu Nadal notg, sto ins semnar graun.
94. Nadal sin gassa, Pastgas sin pegnia.
96. Sche la rosa de Nadal dat ora bein, sche dat ei in bien onn.
96. Cura ch' ei bischa Nadal, dat ei dariet pumma.
97. Il luf ha aunc mai migliau gl' unviern.
98. Stgiras Calondas e clars meins.
99. Il sulegl selai ver tuttas las sondas duront igl onn, priu ora treis.
