Questa pagina è stata trascritta, formattata e riletta. |
PETROSINELLA
Trattenemiento primmo de la Jornata seconna.
È cossì granne lo desiderio mio de mantenere allegra la prencipessa, che tutta sta notte passata, dove autro non se sente nè da capo, nè da pede, n’aggio fatto autro, che revotare le casce vecchie de lo cellevriello, e cercare tutte li scaracuoncole4 de la mammoria, sciegliendo fra le cose, che soleva contare chella bona arma de madamma Chiarella Vusciolo5, vava de ziemo, (che Dio l’aggia ngrolia, nsanetate vostra!), chille cunte, che me so parzete chiù a proposeto de ve sborzare uno lo juorno. De li quale, s’io non m’aggio cauzato l’uocchie a la merza6, me mageno che averrite sfazione. E, si non serveranno pe squatre armate da sbaragliare li fastidie de l’anemo vuostro, saranno a lo manco trommette da scetare sto compagne meje a scire ncampagna co chiù
23 |