 |
Questa pagina è stata trascritta e formattata, ma deve essere riletta. | |
| 80 | S. MATTEE. |
a vosà, disend: Signor, fiœu de David, abbia compassion de nun.
31 Ma el popol el ghe sbragiava de stà quiett. Ma lor vosaven pussee fort, disend: Signor, fiœu de David, abbia compassion de nun.
32 E Gesù el s’è fermaa, i ha ciamaa, e ’l gh’ha ditt: Cosse vorii, che ve faga?
33 Signor, gh’han rispost, fee in manera, che se derva i noster œucc.
34 E Gesù, sentend compassion de lor, el gh ’ha toccaa i œucc. E subet gh’ han vist, e gh’hin andaa adree.
Capp XXI.
VESINANDES a Gerusalemm, appenna ch’hin staa a Betfage appress almont Olivett: Gesù l’ha mandaa vun di sœu scolar,
2 Disendegh: Andee in del castell, che gh ’avii de nanz, e trovarii là on’asninna ligada, e insemma a lee el so asnin: deslighela, e menela chì de mì:
3 E se quajchedun ve disess quajcoss, disigh, chỉ el Signor ghe n’ha de besogn: e subet ve lassaran anda.
4 E tutt quest è succeduu, per fà, che se verificass quell, ch’ era staa ditt dal profetta, che l’ha ditt:
