Compendio biblico in lingua genovese/Chì se contèm so che lo nostro segnor Dee disse a Adam per lo peccao che o fe
Questo testo è da formattare. |
◄ | De lo comensamento de lo mondo | Chì se contèm como Adam fo cassao fora de lo pareizo teresto e como ello ze in Ebrom | ► |
Chì se contèm so che lo nostro segnor Dee disse
a Adam per lo peccao che o fe.
Lo primé peccao fo superbia, quando ello vosse esse ingoao[sic] a lo nostro segnor Dee e vosse esse ingoao a tuta l'atra gente, e persò o fo miso pu a basso cha nussum[sic] atro, e de quello peccao dixe lo libero de Saramon che: "O non e davanti da Dee chi exarta lo peccao de superbia".
Lo segondo peccao fo dezobediencia, quando ello passà lo comandamento de lo nostro segnor Dee, e persò o perdè tute le cosse chi g'eram sotemisse, e, como ello ave peccao, incontenente o ge fo dezobediente.
Lo terso pecchao fo avaricia, unde ello dava men che non devea, e per quello peccao e per grande drito perdè tute le cosse le que' ge fon daite. E per questo peccao disse lo pastore[sic] messé san Pero che: "L'avaricia è servitudem de le idore".
Lo quarto peccao fo sacrilegio, e fo quando ello preize la cossa chi g'era staita deveá de lo logo sagrao, e de questo peccao dixe lo profeta: "Chi roberà santitai dè esse cassao de lo pareizo".
Lo quinto peccao fo de la gora, che per lo bochon si passà lo comandamento de lo nostro segnor Dee.
Lo sexem peccao si fo fornichaciom, perssochè l'anima de Adam era iusta a Dee, e ello l'aiustà a lo demonio, unde ello merità peña corporá, persochè ello fe adulterio con um strangié e perdè l'amicicia de la veritae, e de questo peccao dixe lo proffeta Davit: "Ti destruerai tuti quelli chi fam fornichaciom".
Lo setem pechao si fo omicido, unde ello misse a morte lé e tuto lo so linagio, e de questo peccao Moizes proffeta dixe: "Quello chi amaserà sarà morto in anima e in corpo".