Pagina:La leggenda di Tristano, 1942 – BEIC 1854980.djvu/357: differenze tra le versioni

BrolloBot (discussione | contributi)
test caricamento
(Nessuna differenza)

Versione delle 15:13, 25 ott 2021

cavalieri, e li dona si gran colpo su l’elmo che a puoco che lo re non vola a terra; tuto stornido roman sovra el col del cavalo. Tristan lo prende a l’elmo e lo tira si forte a si ch’elio gel tira de testa, e lo re se scorda tuto el viso e strabuca alla terra tuto stornido, con s’el fose morto, e Tristan se ’n torna verso Dinadan e li dise: «Dinadan, le vostre arme hanno mal agur: or prendi questo elmo per lo vostro, che vui avi perduto». «Gran marcé» ciò dise Dinadan «or pensai de guardar ben mei armi per saver s’el ve ’n poria cosi ben cader com’ello ha fato a quel cavaler lá». Ed aloro elio prende l’elmo dello re e lo rela<;a in soa testa: quando Segurades, chi era con lo re, a quello ponto vete questo fato, elio en fo forte coreciado, ch’elio amava lo re di cento cavaler de tuto su’ cuor, e perciò el vendegarave volontiera, ma elio non sa come ciò posa esere, ma tuta fiada dise a si medesemo, che per una mostra elli pò asa<;ir seguramente può ch’elli eno cavaleri eranti. Segurades s’avanqra e crida a li tri compagnoni «Segnor compagnon, i a algun de vui che voia la mostra d’un cavaler erant?». E miser Garieto dise che si veramente. Ed alora el s’aparecia della mostra e lasa corer a Segurades tanto come ’l può del cavai trare, ma tal fo l’aventura a quel ponto che miser Garieto fo abatudo; si no credese miga l’on che Segurades fose meior cavaler de Garieto, ma cosi aveno l’aventura che Segurades n’ave l’onor. Quando Segurades vide Garieto alla terra, elio se pensa che dei altri el puosa fare el somiente e perciò se crida: «Segnor cavaler, i a piu algun de vui che voia la mostra?». «Miser Dinadan» ciò dise Tristan «questa mostra è vostra». «Chi me la dona?» ciò dise Dinadan. «Io ve la don mi» ciò dise Tristan «che vui savi ben, che se li eno iij cavalieri en una pla<;a, lo fato non dié pur tornar sovra un, ma ciascun en dié aver la soa parte; i’ ho fato la mia, Garieto ha fato la soa; duramente me pesa ch’el no la fese meio; a vui si ven la vostra». «Miser» ciò dise Dinadan «se a ciò ven meio,