Pagina:Goldoni - Opere complete, Venezia 1915, XX.djvu/227: differenze tra le versioni

{{RigaIntestazione||''UNA DELLE ULTIME SERE DI CARNOVALE''|217|s=si}}

{{sc|Zamaria}}. Ma fe da omo.

{{sc|Momolo}}. Se ho da far da omo, bisogna che me marida.

{{sc|Momolo}}. Me mariderò, se sta cara zoggia me vol. {{Ids|(a Polonia)}}

{{sc|Zamaria}}. Siora sì, subito; ma avanti de prencipiar, putti, destrigheve, deve la man. {{Ids|(a Anzoletto e Domenica)}}

{{sc|Anzoletto}}. Mario e muggier. {{Ids|(si danno la mano)}}

{{sc|Bastian}}. Sior Anzoletto, novamente me ne consolo. Andè a bon viazo, e no ve desmenteghè<ref group=lower-alpha>Dimenticate.</ref> de nu.

{{sc|Anzoletto}}. Cossa dìsela mai, caro sior Bastian? Mi scordarme de sto paese? Della mia adoratissima patria? Dei mii patroni? Dei mii cari amici? No xe questa la prima volta che vago; e sempre, dove son stà, ho porta el nome de Venezia scolpìo nel cuor; m’ho sempre recordà delle grazie, dei benefizi che ho recevesto; ho sempre desiderà de tornar; co son tornà, me xe sta sempre de consolazion. Ogni confronto che ho avù occasion de far, m’ha sempre fatto comparir più bello, più magnifico, più respettabile el mio paese; ogni volta che son tornà, ho scoverto delle bellezze maggior<ref>Ed. Zatta: maggiori.</ref>; e cussì sarà anca sta volta, se ’l cielo me concederà de tornar. Confesso, e zuro su l’onor mio, che parto col cuor strazzà; che nissun allettamento, che nissuna fortuna, se ghe n’avesse, compenserà el despiaser de star lontan da chi me vol ben. Conservème el vostro amor, cari amici, el cielo ve benedissa, e ve lo digo de cuor<ref group=lower-alpha>Complimento diretto al pubblico.</ref>.

{{sc|Marta}}. Via, no parlemo altro. No disè altro, che debotto me fe contaminar. Sior Zamaria, piencipiemo a ballar.

{{sc|Zamaria}}. Un momento de tempo. La lassa che destriga un’altra piccola facendetta, e po son con ela. Madama. {{Ids|(chiamandola)}}

<div class="lower-alpha"><references group=lower-alpha /></div>