Pagina:Goldoni - Opere complete, Venezia 1915, XX.djvu/192: differenze tra le versioni

{{RigaIntestazione|182|''ATTO PRIMO''||s=si}}

{{sc|Anzoletto}}. Sior sì; ghe par a elo che queste sia carte de abbandonar? Ghe par a elo che qua no se possa chiappar? La voleva buttar via le so carte; no, digo mi, tegnìmole suso. Mi no me perdo de coraggio per cussì poco.

{{sc|Zamaria}}. Sì ben; se i zoga qua, se ghe dà questa, e co st’altra se pol far zogo.

{{sc|Bastian}}. A proposito de abbandonar, aveu savesto, sior Zamaria, che sior Anzoletto ne abbandona?

{{sc|Zamaria}}. Sior sì, l’ho savesto; ma el m’ha anca promesso che ’l me manderà dei dessegni; n’è vero<ref group=lower-alpha>Non è egli vero?</ref>, fio mio?

{{sc|Bastian}}. Caro sior Anzoletto, co andè via vu, cossa serve che mandè i dessegni? Co no se vu assistente al teler, credeu che i testori possa redur i drappi segondo la vostra intenzion?

{{sc|Anzoletto}}. Caro sior Bastian, la perdona. La fa torto, a dir cussì, a persone che gh’ha la pratica, che gh’ha esperienza, e che gh’ha abilità. Xe tanti anni che i laora sui mii dessegni, che oramai i gh’ha poco bisogno de mi. Per maggior cautela, farò i dessegni più sminuzzadi, con tutti quei chiari e scuri, e con tutti quei ombrizamenti che sarà necessari. Minierò le carte; ghe sarà su i colori. No la s’indubita; gh’ho tanta speranza che i aventori sarà contenti; e che ’l so servitor Anzoletto no ghe sarà desutile gnanca lontan.

{{sc|Lazaro}}. Mi sì, che ’l manda pur, e che noi se dubita gnente.

{{sc|Zamaria}}. E po, cossa serve? No diselo che ’l tornerà?

{{sc|Bastian}}. Oh! mi mo credo che nol torna altro.

<div class="lower-alpha"><references group=lower-alpha /></div>