Pagina:Goldoni - Opere complete, Venezia 1915, XX.djvu/42: differenze tra le versioni

{{RigaIntestazione|34|''ATTO PRIMO''||s=si}}

{{sc|Fortunato}}. Tago ben, tago. Cugnà, saudo; saudo, Checca, saudo. {{Ids|(saluta)}}

{{Sc|Titta Nane.}} Patrone.

{{sc|Checca}}. Stè molto alla larga, sior. Cossa gh’aveu paura? Che Lucietta ve diga roba<ref>''Dir roba'', dir villanie: v. Boerio.</ref>?

{{Sc|Titta Nane.}} Cossa fala Lucietta? Stala ben?

{{Sc|Titta Nane.}} Coss’è, no sè più amighe?

{{sc|Checca}}. La ne vol tanto ben! {{Ids|(con ironia)}}

{{sc|Libera}}. Via, putte, tasè. Avemo donà tutto <ref>''Donar'', qui significa porre in dimenticanza: V. Boerio.</ref>; avemo dito de no parlare, e no veggio che la possa dire de madesì, e de qua, de là<ref group="lower-alpha"> ''De ma de sì, e de qua, de là.'' Frase stravagantissima, e significa che non possano dire di noi che abbiamo parlato.</ref>, che vegnimo a pettegolare.

{{sc|Fortunato}}. Oe, muggiere, ho portao de a faìna da sottovento, de a faìna e sogo tucco<ref group="lower-alpha">Grano di Turchia</ref>, e faemo a poenta<ref group="lower-alpha">Della farina di questo grano, o granone, si fa la ''polenta''.</ref>, faemo.

{{sc|Libera}}. Bravo! ave portà della farina de sorgo turco? Gh’ho ben a caro dasseno.

{{Sc|Titta Nane.}} Vorave che me disessi... {{Ids|(a Libera)}}

{{sc|Fortunato}}. Lassè parlare i omeni, lassè parlare. {{Ids|(a Titta Nane)}}

{{sc|Libera}}. Caro vu, quieteve un pochetto. {{Ids|(a Fortunato)}}

{{Sc|Titta Nane.}} Vorave che me disessi cossa ghe xe sta con Lucietta.

{{Sc|Titta Nane.}} Gnente?

{{sc|Checca}}. Xe meggio cussì, gnente. {{Ids|(urtando Orsetta)}}

<div class="lower-alpha"><references group=lower-alpha /></div>