Differenze tra le versioni di "Pagina:Goldoni - Opere complete, Venezia 1910, IX.djvu/451"

{{RigaIntestazione||''IL CONTRATTEMPO''|437|s=si}}

vedova dove che l’è allozà, la gh’ha della stima de lu, e credo anca dell’amor, e so che la lo sposaria volentiera, ma la vorria che l’avesse qualche ombra d’impiego, qualche principio de fondamento per stabilirse in Bologna: caro sior Pantalon, con poco la lo pol aiutar.

{{sc|Pantalone}}. Ma come sarala co sior Lelio? El dise che el l’ha ferìo. La giustizia lo cerca.

{{sc|Brighella}}. Niente, signor, avemo giustà ogni cossa. Ho messo de mezzo el mio padron, che la sa che cavalier d’impegno che l’è. Sior Lelio se contenta de una piccola sodisfazion, e per la Giustizia la cossa l’è accomodata.

{{sc|Brighella}}. La lo impiega in qualcossa. L’è un omo pien d’abilità.

{{sc|Pantalone}}. De conti ho paura che nol ghe ne sappia.

{{sc|Brighella}}. L’è capace de tutto, ghe digo, e po a sior Pantalon no ghe manca el modo. O in t’una casa, o in t’un’altra, col vol, el lo impiegherà. In verità, sior, se la fa sta opera de pietà, el cielo la ricompenserà con usura.

{{sc|Brighella}}. Subito el vien, cara ela, ghe lo raccomando.

{{sc|Pantalone}}. Che el me parla schietto, che el me diga la verità, e vederò de assisterlo, de impiegarlo.

{{sc|Brighella}}. No la se dubita, che no l’è capace de dir busie; anzi el so mal maggior l’è quello de dir troppo la verità.

{{sc|Pantalone}}. Certo, che co se xe chiamai a parlar, bisogna dir la verità più tosto che la busia; ma la prudenza insegna a taser, quando la verità ne pol far del mal.

{{sc|Brighella}}. La ghe daga anche ela qualchedun de sti boni arrecordi.

{{sc|Pantalone}}. No ve dubitè; lo tratterò come se el fusse un mio fio.

{{sc|Brighella}}. Sielo benedetto, el me consola. Vado a consolarlo anca lu, e lo mando qua. (E poi subito corro da siora Beatrice, a remediar, se posso, quell’altro mal). {{Ids|(da sè)}} Mi per natura son inclinà a far del ben, e a chi m’ha fatto del ben a mi, ghe daria per gratitudine anca el sangue delle mie vene. {{Ids|(parte)}}

</div>